نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - !!乂 القلب النابض لشبكة الزعيم Mr.GoaL ( ضيف المجلس العام ) 乂 !!

Mr.GoaL · #54 16/05/2009, 03:37 PM

إقتباس

الرسالة الأصلية كتبت بواسطة AS King 10


	مرحبا تركي .. عندي سؤالين و أتمنى يتسع صدرك لهم ، و هو : - الكثير ممن أعرفهم يرون بأن تركي لديه شخصية ذات أحكام تعسفية >>> صح كذا ، من جد أقصد ممكن يكون هناك مبالغة -حسب نظرتهم - في تعاملك معهم ، فهل السبب شيء جبلي من شخصيتك العامة ، أم أنها ما تقتضيه مهنة الإشراف مع أن الكثير من المشرفين هنا يحظون بمحبة الجميع و احترامهم ؟! - هل تركي حريص على حضور مباريات الهلال سواء داخل الرياض ام خارجها ؟ و مالسبب في حالة الـ ( لا ) ؟! - أخيرا لو طرى ببالي سؤال هل من الممكن لاعودة مرة أخرى للسؤال ؟! أتمنى ألا تكون الأسئلة معادة ، و بإمكانك تجاهل ما لا تود الإجابة عليه .. سعد

حياك الله ياسعد

السؤال الاول : لا ماهي احكام تعسفية ولاشئ , هي قوانين المنتدى وانا اطبقها بحذافيرها , تعجب البعض والبعض الاخر ماتعجبه , وهذا شئ راجع لهم .

السؤال الثاني : لا , لان مافيه شئ يحمسك على حضور المباراه , علشان تروح للملعب لازم تشيل هم الطريق زحمة , وكذلك تروح بدري علشان تجلس بمكان زين , وتقعد جوعان من العصر الى الساعه 11 او 12 خير ان شاء الله هههه , وكذلك تعامل الناس هناك غير حضاري لا رجال الامن ولا الجماهير الحاضرين , اللي يرمي عليك الفصفص واللي يرمي عليك العلب الفارغه والدخان وووووووو . يعني اذا صار عندنا ملعب مثل الملاعب باوروبا او حتى مثل ملعب السد القطري بقطر , بتحصلني بكل مباراه موجود , كذلك فيه امر هام مابي انساه هو اني مرتبط بلجنة الفيديو وتسجيل المباريات منذ سنوات وهذا ايضا عائق آخر عن الحضور .

وتقدر ترجع وتسأل وحياك الله بكل وقت

إقتباس

الرسالة الأصلية كتبت بواسطة وليد القحطاني


	ضيف مميز بصراحة ومن أعمدة الشبكة ويستاهل كل خير تركي له مواقف معي سابقة وكانت مواقف سيئة بصراحة ما أحب ارجع للماضي سؤالين فقط لا غير :- س1 : قد صكيت احد انذار وندمت ؟ يعني ندمت مرة يوم صكيتني انذار من انذاراتك لي سابقاً ؟ س2 : تغيير الوزرات هالفترة فيه امل ولا لا ؟ وعندي طلب :- ياليت تحطون صور رمزية جديدة وخاصة صور اللاعبين الاجانب في ايطاليا وانجلترا وغيرها ومثل ما قال سلطان عن الفيس فمان الله

هلا وليد

السؤال الاول : لا .
السؤال الثاني : انت بالذات لا

النقطة الاخيره : ابشر ان شاء الله الشباب شغالين عليها وباسرع وقت بتكون موجوده .

إقتباس

الرسالة الأصلية كتبت بواسطة hilalemooot


	السلام عليكم يعطيكم العافية مشرفي ومستشاري المجلس تركي .. بصراحة شخص لو ابي امدحة احتاج مجلدات .. ما اقول الا يا عسانا ما ننحرم بس .. هو سؤال واحد وانتبه يشغلونك حقين المجلس والله ياهم مختارين الوقت صح بعد كم عمرك وابي اجابه بدون لف و دوران .. المشكلة جلست معك اكثر من عشرين مرة ورفضت تصرح فيه بس مهوب شغلي وعدتني تجاوب احبك

هلا بالإداري المحنك الخبير , تعال للرياض واعلمك , ولا اعطيك الإقامه

ياشيخ بعد

إقتباس

الرسالة الأصلية كتبت بواسطة أحلا هلاليه


	هلاا بك اخووي تركي.. شلوونك الله يعينك على الاساله الاعضاء حطوا حيلهم.. بس حبيت اسلم عليك بتوفيق

حمدلله بخير , حياك الله بكل وقت .

إقتباس

الرسالة الأصلية كتبت بواسطة الترنيدو25


	تركي ما أزيد على كلام وليدووووهـ و الله ياليت تحطون صورة لأرشافين مع الأرسنال بالطقم الأصفر

ان شاء الله

إقتباس

الرسالة الأصلية كتبت بواسطة R.A.U.L


	حيــي الله تركي بسئلكم كم سؤال ياسيدي .. * الواحد لابغى ينضم لـ اللجنه الاعلاميه سواءً لقسم العالميه او الجمهور , وش اهم الاعمال اللي يسويها عشان يكون من ضمن الطاقم ؟ * ليش انت ماتبينا نشوفك في تقارير المباريات ؟ لو اني مكانك كان سويت زيك .. كلمة شكر لاتوفي حقك اخوي تركي وبصراحه ودي أمدحك , لكن المدحه في وجه الرجال ذمه الله يوفقك يالغالي ويسهل دروبك .. !

هلا والله ,
السؤال الاول : راسل مشرفين اللجنة الإعلاميه وبيعلمونك كل شئ .
السؤال الثاني : اجبت عليها بوقت سابق , بس لو جيت الرياض تعال قابلني شخصيا وش تبي بصورتي بالمنتدى

وشكرا لك والله يوفقك

إقتباس

الرسالة الأصلية كتبت بواسطة حكر المنحكر


	سلام عليكم تسجيل دخول من فتره طويله لانقطاعي عن المنتدى ووجدت هذا الموضوع وحبيت ابارك لك اللون الأحمر واسلم عليك اخوك يوسف

حياك الله وبارك الله فيك

إقتباس

الرسالة الأصلية كتبت بواسطة أبــو غــامــد


	راجعين بحول الله للموضوع شكراً مشرفي واستشاريي واعضاءيي المجلس وهارد لك اللقب من الحين

هلا ابوغامد

هلا والله بالقهوجي

بانتظارك