الجزء السادس ...
احمد وهو فاتح عينه: نعم ... على ايش موافقة ؟؟؟
رؤى: على الزواج
احمد: انتي تعرفين مين اللي خاطبك ؟؟؟
رؤى: سمعت المكالمة يا بابا ... وانا موافقة
احمد: رؤى ... انتي اكيد تمزحين !!!
رؤى: لا انا اتكلم جد
احمد: الظاهر الطيحة الاخيرة اثرت على مخك
رؤى: عقلي زين وما فيه شي ... وانا موافقة
احمد: بابا ... هذا ابراهيم الــ ...... تعرفين يعني مين ؟؟؟
رؤى: ايه ... ولد جيران بيت خالتي منيرة
احمد: انسان ضايع ... ما كمل المتوسطة بعد ... ليته على ظروف اوشي جبره .. كان ماهمني ... قلت الظروف حدته ... بس هذا ترك الدراسة بسبب صياعته وخرابيطه
رؤى: يتعدل
احمد: رؤى ... باي منطق تتكلمين ؟؟؟؟؟؟
رؤى: بابا ... انا موافقة ... ما يجوز انك تمنعني من الزواج ... وانا بنشر خبر خطبتي بين الناس ... يا ليت تدق عليهم وتقول لهم انا موافق
وقامت رؤى وصعدت فوق وابوها يطالع فيها وهو متعجب من موقف بنته ...
في حجرة رؤى ... ارسلت المسج وانشرت خبر خطبتها للكل ... رمت الجوال بقوة على الارض ... ورمت نفسها على السرير وهي تبكي بقوة .... هذه اخرتها يارؤى ... هذه اخرتها ... ابــــــــــــــــــــراهـــــــــــــــــيــ ـــــ ـــــــــم
كل اللي وصلهم المسج ... فتحوا عينهم عالآخر ... معقولة رؤى اللي الكل يتمناها .. واللي ابوها رد ناس احسن من ابراهيم بمليون مرة تتزوج ابراهيم ؟؟؟؟
منيرة: شفت يا عبدالعزيز ... هذه اخرتها ... لو انك موافق ان نواف يتزوجها كان ما صار هذا حالها
عبدالعزيز: انا اللي مستغرب منه شلون احمد وافق عليه !!!
منيرة وهي تبكي: هذا اللي الله قدرك عليه ... بس انا اكلم مين ؟؟؟ انسان قلبه حجر ... وطلعت وتركت عبدالعزيز لحاله
عبدالعزيز: والله اني احب رؤى ... بس بعد هذا ولدي ولا ارضى انه يتزوج غصب!!!!
لينا: الحمارة ... مقفلة جوالها ... اكيد مالها وجه ترد علينا
ليان: انا لسه مو مصدقة ... لينا كم التاريخ اليوم ؟؟؟
لينا: والله انك متفرغة ... هذا وقت السؤال عن التاريخ ؟؟؟
ليان: يمكن تكوت كذبة ابريل !!!
لينا: خلصنا ابريل ودخلنا في شهر 5
ليان: تدرين بتصل على البيت
لينا: ما بترد عليك ؟؟؟
ليان: بجرب ... وان شاء الله ابوها يرد علي
وركضت لتلفون البيت واتصلت على بيت رؤى ... ردت عليها الخدامة وقالت لها ان رؤى نايمة
ليان: ردت الخدامة ... تقول نايمة
لينا: قلت لك ما بترد ... اعرفها
ليان: ايش نسوي ؟؟؟
لينا: مدري والله ... احس ان النار شابة بصدري
نواف: بسم الله على صدرك ... ليش النار شابة فيه ؟؟؟
فواز: اكيد خلود جاطلها ... وهي مطرطعة
نواف: يوووووه ... اذا على كذا الله يعينك على خالد
فواز: ايش رايك يا نواف نقولها عن خرابيط خويلد !!!
نواف: لا لا لا حرام نخرب عليهم ... خليها تكتشف بنفسها
فواز ونواف: ههههههههههههههههههههههه
نواف وفواز استغربوا من سكوت خواتهم وعدم تعليقهم على الموضوع ... ولا كانهم يتكلمون ... كل وحدة حاطة يدها على خدها وسرحانة
فواز: هي .. شفيكم انتي وياها ... كانه احد ميت لكم
ليان: تكفون مالنا خلق لسخافاتكم
نواف: تتكلمين عدل ولا اقوم اعدل خشتك
قامت لينا من مكانها وهي تبكي ...
فواز: ليان ... ايش صاير ؟؟؟ طيحتوا قلبي
ليان: رؤى
فواز ونواف بصوت واحد: ايش فيها ؟؟؟
ليان: بتتزوج
نواف: الله ياخذك ... كل هالمناحة لانها بتتزوج ... انتوا البنات ما تبطلون سخافاتكم
فواز: اي والله ... انا بقوم ادور قلبي ... من الخرعة طاح مني ... واخرتها بتتزوج ... خير يا طير ... لا هي اول وحدة ولا اخر وحدة
ليان: تدرون بتتزوج مين ؟؟؟
نواف: مين يعني ؟؟؟
ليان: ابراهيم الـــ................
فواز: ولد جيرانا ما غيره ؟؟؟
ليان وهي تبكي: ايه
نواف: انجنت هذه
فواز: لا والله ابوها اللي انجن اللي وافق عليه
ليان: مدري ايش اللي صار ... ارسلت لنا مسج بالخبر ... وبعدها قفلت جوالها ... تعبنا واحنا نكلمها
نواف: طيب كلموا البيت !!!
ليان: كلمنا وردت علينا الخدامة تقول نايمة ... اكيد ضايق خلقها .. هي دايم كذا
فواز: بالذمة هذه زواجه ينفرح فيها ... اكيد ضايق خلقها
نواف: قوم معي فواز خلنا نروح لها ونأدبها .. مو على كيفها
ليان: جد بتروحون لها!!!!!
فواز: طبعا ... بنروح نعقلها ... اكيد انجنت
ليان: طيب بجي معاكم
نواف: قومي لبسي عباتك بسرعة ونادي لينا اذا بتجي
بيت حنان عمة رؤى ...
عمتها حنان اول ما وصلها المسج ارسلت مسج لاخوها احمد وطلبت منه يجي بسرعة .. وهو راح لها وهو خايف ومو عارف ايش السالفة ...
حنان: عاد انا قلت لك خلها تتزوج ... بس عاد مو هذا !!!!
احمد: ومن قالك اني موافق ؟؟؟
حنان: هي ارسلت لي مسج اعلان خطوبتها
احمد: مدري ايش فيها ... استخفت البنت ... دايم لو بالمزح نجيب لها طاري العرس تقول لي بدري وصغيرة ... وعلى ابراهيمو نقزت لي وقالت ابي اتزوج
حنان: بنتك حساسة ... واكيد بعد اللي سمعته مني ومنك قررت هالقرار
احمد: شسوي فيها ؟؟؟ مصرة على رايها ... لا ومعلنة الخبر بعد
حنان: تبي اكلمها انا ؟؟؟
احمد: ياليت ... على الاقل انتي حرمة وتعرفين لها احسن مني
حنان: خلاص ما يصير خاطرك الا طيب ... امر عليكم اليوم بالليل
احمد: صــــــار ... يالله عن اذنك بروح الشركة ... اتاخرت
حنان: بحفظ الله يا خوي
