هلا باخوي السام .....


بالنسبه لمواقع في النت اعتقد السوريين مازالوا متاخرين في هذا المجال وعموما اغلب الدول العربيه ماتقدر تستفيد منها بمواقع سياحيه تحققلك المنشود منها .....

لكن انا انشاءالله اجد في نفسي القدره على مساعدتك

اولا اذا جيت تمشي وكان خط انتبه ترا الطريق يروع ودايم حوادث وخصوصا من عرعر الى القريات اذا كنت مسافر طيران (اصرفلك) ولاتنسى في الحدود تكون طويل بال معهم بين جمارك وجوازات والله يعينك ....

بالنسبه وين تروح في سوريا الاماكن كثيره لكن للاسف ربعنا مايعرفون الا بلودان والزبداني وقله اللي يعرفون يتمشون صح اذا بتروح لمصايف دمشق بلودان ومضايا والزبداني ميخالف لكن لاتطول فيها اكثر من يومين واعتبرها راحه من الطريق وخل في بالك انها ماهي الافضل وانها هي الاغلى ولاتغرك كثرة الناس .....لان اغلبهم عجازين او ماعندهم استعداد يسالون ....

افضل شيئ في سوريا هي مصايف اللاذقيه .....

عندك نفس اللاذقيه فيها الشاطيء الازرق وهي افضل شاليهات فلا تدور غيرها ولاتنسى ان النصابين واجد في كل مكان فخلك منتبه ولايقولون لك هذا مكان زين وهذا افضل ,,,,,لاافضل شيء الشاطيء الازرق وانا شخصيا مارتاح في الشواطيء عموما لانك تعرف الوضعيه اللي يكونون عليها هناك (كلهم متسترين) وعندك طرطوس مدينه حلوه وفيه شاليهات رائعه بين طرطوس واللاذقيه اسمها الرمال الذهبيه ..ممتازه جدا ......
وعندك في طرطوس جزيره تبعد عن طرطوس 13 كم تماما تطلعلها بقوارب واسم الجزيره ارواد
الجزيره هذي اثريه وماهوله بالسكان ولكن لايمل منها وفيها انواع الاثار وكانت سابقا على وقت الفرنسيين منفى للثوار العرب والشاميين خصوصا وتجد في الزنزانات هناك اسامي لكل الذين اسروا من كبار الثوار في هالزنزانات الموحشه .....الي ياصل هالمناطق ومايروح للجزيره يفوته اشياء كثيره .....اضافة انك اذا خلصت من الزياره عندهم مطاعم فيها اسماك ماراح تنسى طعمى طول عمرك (توي متغدي وجعت) ....
عندك مناطق بالقرب من اللاذقيه جبليه اكثر من رائعه مثل كسب وراس البسيط وفيه مكان احرص على انك تروحله وكثير مايعرفونه اسمه (سد بلورين) منطقه زياره يوم واحد (كشته يعني ) منطقه خياليه .....
وفيه مكان اخر يبعد عن اللاذقيه 42 كم وانا اعتبره المكان اللي اسرني فعلا وفيه مميزات اكثر من غيره ...منطقه بارده خلابه اسمها صلنفه وهي افضل من كل المناطق الجبليه حسب رؤيتي الشخصيه ولايفوتك مطعم التنور فيها مكان ساحري .....اذا جيت هالديره ماراح تطلع منها .....

طبعا المناطق كثيره مثل ابو قبيس في حماه ومشتل حلو في حمص والرستن بين حمص وحماه ولاتنسى زيارة نواعير حماه العجيبه ....

طبعا اذا نويت تزور حلب هذي حكايه لحالها واذا بغيت عنها معلومات عطيتك بالتفصيل واذاحبيت تسال عن اي شيء اخر في بالك ....هذا ايميلي

[email protected]

وترجع بالسلامه ويمكن نشوفك هناك انشاءالله بس علمني انك السام 1420 ....تحياتي لك ..