والله وزمان يالهنوووف 
حجز حتى قراءة الموضوع .. من شان نلحق ونتشرف بالصفحه الاولى
لأن الوحوش اللي يقرأون الموضوع تحت .. مابيرحموووووش
العالم هتأطع بعض ياأووختي
//
بآآآكـ ..
السلام عليكم ورحمة الله وبركاته
تحيه طيبه لك يالهنوووف .. كيفك عساك بخير ؟
مو أول موضوع أقرأه لك .. ولا أخر موضوع إن شاء الله ..
لكن الشيء اللي لاحظته بكل مواضيعك أنها قريبه جداً للقلب بأسلوبها العآمي القريب للسواليف .. وكذلك إستنادك الدائم بأمثله من جامعتكـ 
أسلوب سلس وجميل .. ومواقف تصادفنا كثير وممكن أحيانا نطيح فيها .. وأنا واثق أن كل اللي بيردون على هالموضوع بينتقدون مواقف صارت لهم مشابهه لهالمواقف .. على أنه مايسوون مثل كذا .. و نسبه منهم يسوونها 
//
من يتكلم بصوت عالي أهون بكثير ممن يخليك ودك تمسك منشفه تمسح بها وجهك وهو يتكلم قدامكـ .. تلقين مع كل كلمة تطلع قطرات الندى من فمه ..
بعضهم يحسون على دمهم ويعرف انه غرق اللي قدامه فيحط يده على فمه وهو يتكلم .. أما بعضهم تلقاه أعطاك ( ترويشه ) عالواقف .. ولا يحس على دمه ..
إلا صحيح .. تهقون اللي يطلع من فمه هذا ( سعابيل ) ؟! لا تقولوا ايه علشان ما أنتحر ..
قولوا قطرات ندى . مسمى أرقى شوي ..
//
أما لمن يكون طول القعده ماسك جواله .. فهذه أعتبرها تفاهه .. أتذكر أحد أصدقائي خرجنا انا وهو ومعنا واحد ثالث للثمامه ..
حطينا عفشنا وجلسنا نسولف .. إلا وهذا يطلع جواله ويقعد يسولف مع البنات على المسنجر ..
يآبن الحلال قفل الجوال .. مارح تطير السواليف .. وهو يقول ../ ( لا والله شي مهم )
بالله وش هالشي المهم اللي ساحب على اخوياك وانت طالع معهم من أجله .. لا وفي المسن بعد .. ومع بنات ..
قال مهم قال .. علينا يامناحي ؟
//
تذكرت أحد الأعضاء الأفاضل هنا حينما أتى ليمازح طفلا في مجلس .. إلا ويجيه ذاك الطراااق من البزر خخخخخخ
وهو عارف نفسه ..
يعطيك العافيه يالهنوف .. ماننحرم منك .. ولا من جديدك ..
دمتِ بأجمل حال
اخر تعديل كان بواسطة » R D H في يوم » 14/05/2009 عند الساعة » 03:39 PM | 