اهلين اختي الهنوف

مواقفج تضحك والله خاصه اللي بالسوق

مره كنه في السوق ووحده مر يمها واحد من الشباب ولمس كتفها بالغلط من الزحمه وهي عمرها فوق ال45 وهو مزيون بال25

يعني لو قاصد بيلمس وحده صغيره مو كبر امه

وتسوي سالفه وتنادي الامن وتخلي الامن يزفه ويهزأه جدام الناس وهو قام يبكي من الفشله ويحلف انه مو قصده بس من الزحمه يعني اشدعوووه كبرت السالفه لو ماتبين تعالي بوقت لما يكون السوق فاضي .....


ومره بالسوق وحده تزف عيالها وتطقهم طق مو طبيعي لدرجه الكل التفت عليها وانتبه لها وزوجها ساكت ولا كلمه يعني راضي الكل يسمع صوت صراخ زوجته المصون طلع المسكين من اللي ماله سلطه على زوجته الملسوونه .....


وصراحه اكثر شي يضايقني من اللي قلتي عليهم اللي يشيل كل الاغراض وزوجته تتمشى كنها ملكه زمانها اشدعوه ساعديه بشي .... وترى في حريم يشيلون كل شي والزوج يقول انتي اللي شريتي انتي شيلي الاغراض انا ماني شايل شي يعني العكس
وتعالي شوفي اذا الحرمه حامل انواع الدلع كنها حامل بفيل مو جنين اقل من 3 كيلوات



واذا عالجوال انا حاطه له قفل ولا يمكن احد يفتحه اذا امسكه واللي تبي تشوف مسجات اقولها ماعندي وهذا الصدق لاني على طول امسج المسجات اللي بالجوال


مره خالتي كانت بتخطب وحده وصدفه شافتها بعزييمه والبنت كانت تتكلم طول الوقت بالجوال وخالتي هونت قالت مانبيها اللي ماتستحي طول الوقت تتكلم بالجوال

طبعا خالتي كبيره بالسن وتفكيرها اشوي قديم بس مايصير يحكمون عالبنت جذي ومثل ماقلتي كبار السن تفكيرهم غيير


وانا اكره اكل بالمطاعم جذي طبع فيني واذا احد لزم علي اطلب شي خفيف لان ماعرف اكل بازعاج ااحس مااتهنى بالاكل .... مع صراخ الاطفال غير نقاش الازواج اللي مايخلى عن الفاظ مو طبيعيه


موضوعج رائع واسمحيلي هذا اللي قدرت ارد عليج فيه


تقبلي مروري اختج شوق الكويت