ألاحظ من بعد المباراة وانتو داخلين حش في أديموس وإنه مايفهم كورة
وكل واحد منزل ما شاء الله تشكيله من عنده , إللي يقول ليه ملعب العلي خلف المهاجمين رغم إن
لعبه كذا مباراة في هذا المركز ومحد فيكم تكلم لأن الهلال فاز(هذا مايعني إني مع المدرب في كذا)
ولكن خلونا في المهم وهو إنتو يا جماهيرنا في الرياض.
بعضكم فقط يتفلسف ويقول المدرب فيه كذاوكذاويبغى يدمر الهلال وهو أصلاً ما يطب الملعب وهذا
أقل شيْ الواحد يقدمه , الواحد يوم إنه حريص على مصلحة الفريق ليه ما يروح الملعب.
والله يا أمس يوم شفت الملعب فاضي جاني إحباط , ولا أول مباراة لنا في كاس اسيا وكذا الحضور
والمشكلة إن بعضكم يقول الملعب بعيد والله لو إنها (الدانه ولا الدروازه ) محد قال بعيده
يا جماعة الخير شوفوا جماهير الاتحاد لو إن المباراة مع الحمادة ملوا الملعب وانتوا تبخلون
على زعيمنا اللي مابخل علينا بالبطولات وخلى الواحد يقول أنا هلالي وهو رافع راسه
والله لاجيت الرياض يافيني فرحة لأني بأحضر مباراة للهلال إذا كان فيه وإذا ما فبه لازم أحضر التمرين.
بعضكم يمكن يقول الهلال في الأسبوع يلعب مباراتين عندنا وإنت ما تشوفه إلا وين ووين , أقول مو لازم كل مباراة ولكن إذا ماجا واحد اليوم يجي بكرة وإللي جا اليوم ممكن ما يجي بكرة يعني نضمن جمهور مقبول كل مباراة.

تكفون يازعماء , حنا ما قلنا ملوا الملعب لكن أقل شيء نبي عشرة ألاف من يمكن مليون هلالي في الرياض يعني واحد من الميه.
أما بالنسبه للعنوان أنا كاتبه كذا لأني أبي كل واحد يقرا رسالتي ويحضر إن شاء الله من مباراة النهضه.

ولكم تحياتي