أتوقع أن هالأسبوع أسبوع رفعة الضغط

كل يوم سامعه قصة تعور القلب وحقيقية لأني أعرف اللي صارت لهم والا ماصدقت

المشكلة الكبرى في الشخص اللي يلبس ثوب الدين ليستر على عيوبه ويحاول تشويه الدين بها

اليوم كنت في المشغل وكانت فيه حرمه تقص شعرها سألت زبونة العامله عن شعر هالحرمة من صبغه

للحق الصبغة معفنه قالت الكوافيرة أنها جت تصبغة عندهم لكن زوجها مطوع

ولما شاف الصبغة أجبرها تحط فوقه حنا فطلع بهاللون الخايس

الشاهد أن العاملة بدت تتكلم عن زبونتها الطيبة وعن زوجها النحيس ومقالبة فيها وأنه "مطوع"

هو للأسف كل وسوسته نسبها للدين وقال حرام

عاد كل سوالف هاللي لابسين ثوب الدين ليخفون خلفه لؤمهم تعور القلب

للأسف هم مايعرفون من الدين الا ما يناسب أهوائهم وتصل فيهم تحريف معاني النصوص ليتوافق مع هواهم

ولو سألتي المنافق اللي سبب المشكله بيطلع لك بستين عذر شرعي يبرر أثمة

لأنه للأسف أعطي فصاحة لكن يوم القيامة ربك العالم بالقلوب راح يفضحة بين الخلائق

الله يعين على هالدنيا كل ما عشنا أكثر شفنا أكثر

أستاذتي أعتذر عن خروجي عن النص وعدم إيجاد حل لكن كنت محتاجة أفضفض

بالحب والإشراق