نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

ابو طـــــلال · #1 11/05/2009, 11:07 PM

( شخص ) كان يراجع يومياً للدوائر الحكومية .. والجهات المعنية .. من سنوات طويلة للحصول على ( جنسية ) هذا البلد اللى يسكن فيه >>> مهيب السعوديه أبد

كان يراجع الجهات الحكومية بالقميص والبنطلون (( القميص كاروهات )) ومرات بدلة ( شيك أوي)

وكرفته أيام ماكان مندوب مبيعات والنظام ورجال الأمن ماكانوا يمنعونه من الدخول لأنه مازال ( غير سعودي ) في نظر رجال الأمن والجهات الحكومية ... والمراجعين ... خصوصاً مرات حراس الأمن يمنعون دخولك لو نسيت ( شماغك )

هال( شخص ) مسبب إحراج لإدارة ( شاليهات ) الثمامة .. خصوصا بعض الشاليهات اللى تمنع دخول السعوديين بغير الثياب والشمغ !! ومسموح للأجانب فقط بدخولهم بالبنطلون .. وغيرة .. تلقى السعوديين عند الباب ومعهم ( حريمهم ) وناشبين الأمن في حلقة !! إلا يرجع يغير لبسة !! والأجانب يدخلون بشورتات عادي ...

الحدائق للاجانب ... أي ألعاب ( مجانية ) يستفيد منها الاجانب ... المدارس الحكومية أصبحت الآن للأجانب .. بعد تسجيل كل السعوديين بالمدارس الاهلية خصوصا في المرحلة الإبتدائية ... في السابق كانوا الطلاب الأجانب في المدارس الأهلية .. والمعلمين سعوديين ... والسعوديين في المدارس الحكومية والمعلمين اجانب ... الحين ( إنقلبت السالفة ) المدارس الاهلية طلابها سعوديين والمدارس الحكومية طلابها أجانب

>> حتى التسجيل في المدارس الأهلية أصبحت موضه

>>> ياحليل الصخرة وهو معصب

المهم ........ بعد سنين من المراجعات .. والخساير النفسية والمادية

والدخول على فلان ... وعلان .. للحصول على ( تزكية ) و ( واسطة ) لسير معاملة التجنيس ... وبعد الحصول على الجنسية ... والتأكد بأن الجنسية في يده .. خرج من الأحوال المدنية بعد إستلام بطاقة الأحوال وهو زعلان ومعصب

ويقول : كتلونا الأجانب = يعني ( قتلونا الأجانب ) أو ( ذبحونا ) يعني إن هالأجانب مسوين قلق في البلد .. وهو زعلان من هالوضع ...

بعدها يتم تصوير البطاقة ( 10000 ) نسخة .. وأي شي فيه تقديم للسعودين مار اح يقصر فيه ... بس قبل التقديم يبي يروح لمحل .. ويطق ثوبين واحد ( الدفة ) وثاني ( السفير ) مع شماغ البسام .. وطاقية ... وعكال ( عقال ) وكانه يبي يعيش الجو فهو يبي يميل عقالة .. ويحط سكسوكة ..

في العمل .. تلقاه ينقلب حاله .. من حالة تهديده ( بإنهاء عقد ) إلى ( ترسيمة والمطالبة بالترقية )

هذي أبسط حقوقة ... سعودي زيي زيه ... معه بطاقة !!

إحترت بين عنوان الموضوع ( كتلونا الأجانب ) و بين ( أول مايشطح ينطح )

الله يكفينا شر هالنوعيه من المتجنسين ... هم اكبر مصيبة في حياتنا وفي أعمالنا ..
أما من يستحق الجنسية من بعض المتجنسين على روسنا من فوق .. مثل مافيه سعوديين مايستحقون الجنسية للأسف ..

اخوكم الصغير ابو طلال