نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

بريماكس · #32 08/05/2009, 08:41 AM

إقتباس

الرسالة الأصلية كتبت بواسطة مواصل من عام 1413هـ


	هلالي من أرض اليمن أسألك بالله يا طارق ما وقفت لك بعد الكلمات ما فهمتها وخاصه الحذف بالكلمة مثل ( عن - والمقصود فيها عني ) طبعاً الياء في القصيم ( مستترة وعلامة إستتارها الضمير المتكلم ) هالموضوع اللي بغرب المملكة والجنوب والشرق ما يفهمون وش إنت قايل يا إبراهيم أنا ما ضحكت إلا من ( الدعيسة ) ______________ إبراهيم يا إنك إنسان رايق للغاية وبالك وسيع أجل وإنت بخط الرياض ترجع لبيت خويك علشان تنزله!!!. ياخوك أنا إذا طلعت للبيت ووصلت لراس الشارع وتذكرت إني ناسي شئ مهم ما رجعت عندي قاعدة اللي تركته صعب أرجع له وش عليك منه نايم أو ما نام إنت ما فكرت إنه بيسليك بالرجعه!!. بالنسبة لي أنا أحب أسوق بصمت وهدوء ويازين الخط بآخر الليل وإنت لحالك ( وتطقك الهواجيس ) بكل لحظة إنت بمكان بخيالك على قوله إخوانا ( الخواطرجيه ) تعيش اللحظة

ههههههههههههههههههههههههههههههههههههههههههههههههههاااااااااااااااي

هلا وغلا بالغالي عبدالله

كعادتك بردودك

وربي احس ان الموضوع واضح فيه كل شئ

...وحتى قريته مليونين مره ابحاول اطلع كلمه غريبه بس مايطلع شئ

=> ياذكي

... لاتبالغون تكفووون والله واضح .. جبلي شئ ماهو واضح طيب

والله شف انااا مسكات ... يعني احيان لو البقاله بجنبنا ناسي شئ فيها ما ارجعله واحيان عكس كذاا بكثير .. مثل هالسالفه ...

وش يسليني فيه ياعبدالله ... حتى مايبين اشغل واستانس .. اقوله ليش يقول ابنااااااااااااام

روح نام عند امك ماهو عندي

و بعدين لاتنسى ترى مثل هالذكريات توسع الصدر تحس بعدين انك انسان شجاااع ==> لا والله

عبدالله ... شاكر لك ولمرورك وردك اللي افرحني ... والله لايحرمنااا من هالطله

إقتباس

الرسالة الأصلية كتبت بواسطة مدريدي عاشق سامي


	حيّا الله بريماكس.. مثل ماقال: الصخرة [ جو بريدواي منعش] صح إنّي منب بريداوي... بس خوالي من بريدة و 65% من اللي يقربون لي من بريدة.. و الربيعية بينه و بين بريدة 25كيلو.. !!!! وشو له تدور مخرج و تديور و ترجعه بيتهم... الصراحة مشوااااااااااار كان خلّيته ينام و تجي العافية...! الموتر نصبة ماشاء الله..! شكرا

هلا بك عبدالعزيز

والنعم فيك وفي خوالك

تبين على الصامت للين الرياض ؟؟ والله ممكن امشيها عادي اوقات لكن هالمره كانت ماسكه معي

وبعدين ماهو للبيع ترى الموتر ههههههههههههااااااااااااااااااااااااااااااااااي

شاكر لك يالغالي على تشريفك لموضوعي .... واما توقيعك قسم بالله كلاام ثاني

ياحبيلكم انت وصاحب الابيات

إقتباس

الرسالة الأصلية كتبت بواسطة dal3_uae


	التصويــــــــــــــــــــر رووووووعه :: >>>>>> مو لك لموضوعك وينك يا بريماكس من زمان عنك .. ومن زمان عن ناصر الفراعنه الاخ اختفى بعد شاعر المليون ..؟؟ وينه في الحين ..؟؟ انا اخاويك .. عاتي .....؟؟!! امزح :: لا تحرمنا من مواضيعك الحلوة .. يعطيك العافيه

هلابك دلع

التصوير بس هو اللي روعه

الموضوع ماهو روعه ؟؟ صاحبه ؟؟؟ => زعل

والله انا موجود انتي اللي وينك من زمان عنك

ناصر الفراعنه والله شاعر احبه بس ماني متابع له مره مثل ياسر التويجري

لذلك مدري وين ارضه الان

بس ان شاء الله انه حي يرزق ... امممم تبين اخباره ناصر فيه واحد يوزره ليوميسي يجيبلك التفاصيل عنه

وليش تمزحين ؟؟

عادي الحمدلله ماراح نسوي شئ يغصب الله => ههههههههههههههههههههههههههههههااااااااااااااااااي

ابشري .. بس سلامات معصبه علي

شسويت انا بس

انا اسف انا اسف

الله يعافيك ... وتسلمين والله على المرور والرد