بسم الله الرحمن الرحيم



في هذا الموضوع حاب اوريكم طرقة الاضاءه اللي استعملتها في هذه الصوره


وتسمى بالاضاءه المخفيه






ولكن في هذا الشرح بيكون الكاس واحد فقط لان السوائل الملونه هذي كبيتها


ولكن الطريقه وحده سواء لهذي الصوره او الصوره اللي بأشرح عليها


طريقة تصوير علم فرنسا تعتمد على مبداء الانعكاسات اللي يسببها الماء

فمثلا في الصوره السائل الازرق كان في الكاس اللي عاليمين والاحمر في اللي في اليسار

ولكن مع كاس الماء الامامي انعكست الالوان فالاحمر راح في الجهه اليمنى والازرق راح لليسرى



واي شي راح تحطه عاليمين بينعكس في كاس الماء في اليسار والعكس صحيح






وهذه الطريقه ليست من اختراعي بل هي طريقه عالميه مشهوره جدا في التصوير ولكن حبيت اصورها واشرحها بأسهل طريقه


اول شي يجب توفر الاشياء التاليه :

1 - لمبه او لمبتين بيضاء ويفضل انها تكون لمبتين



2 - فلينه بيضاء





3 - طاوله صغيره



4 - قماش اسود


5 - قطعة قزاز بسمك ( 3ملم - 4ملم )



6 - حامل ثلاثي ( ترايبود )


اول شي نجيب الفلينه ونحطها عالجدار وقدامها بـ 40 سم تقريبا توضع الطاوله ويكون بينها اللمبات بحيث تكون مخفيه بين الفلينه وبين الطاوله !!

لا تحط اللمبات على الفرشه على طول علشان ما تاثر عليها او تحرقها !!!





بعد كذا تحط القماش على الطاوله وتحط فوقها القزاز ( فايدة القزاز علشان يسوي انعكااس للشي اللي بتصوره )




وتثبت الكام على الترايبود ( الحامل الثلاثي )



وتجهز الشئ اللي تبي تصوره وتظبط اعادات الكام وتقول بسم الله وتصور










وهذا الناتج اللي طلع معاي

( واعتذر لان الصوره فيها ميلان قليل وبعض الانعكاسات على الكاس لاني كنت مستعجل وانا اسويها











هذا والله اعلم




واعتذر اذا كان هناك نقص او غلط في الشرح لاني اول مره اشرح شي





واي سؤال انا حاضر !