الموضوع: أبسافر .. من يخاوين ..!
مشاهدة مشاركة بصفحة مستقلة
  #1  
قديم 07/05/2009, 01:17 AM
بريماكس بريماكس غير متواجد حالياً
زعيــم مميــز
تاريخ التسجيل: 19/04/2006
المكان: في مكان لايراني فيه الناس ولكن الله يراني
مشاركات: 5,114
Talking أبسافر .. من يخاوين ..!
هلا بالاحباب
حياكم جميع ..

مشتاق لايقونة موضوووووووووع جديد حتى آخر موضوع منزله ..مدري متى؟

حبيت اذكرلكم السالفه اللي صارت قبل فتره ليست ببعيده !=> بدينا بالضحك
كنت منسدح الظهر الساعه1 وخمسين دقيقه و44 ثانيه النوم ماجان وانا منسدح واسمع جوالي يرن .. ((تلاوة كاهن او نفث قاري .. بصدري يوم اجر الصوت ساري ..أدندن دن دندن دن دن دن دن دندن .. مثل ما يا يدندن الدندان جاري))( يسلم) فزيت وطرت للجوال مدريت الا واحد من الزكرت يقولي ابيك تجي للرياض اليوم قلت بس كذا ابيك تجي وخلاصوين تكفى ومشتاقين لك و و وقلت شكلك بتوظفني ان شاء الله المهم انه لزم علي اني اجي اليوم( الثلاثاء) لانه عازم ربعه باستراحتهم وجاين ناس من برى وجامعهم ولا لهم غناة عن المهم اني عزمت اروحله وقلت مين يخاوين لانه لحالي صعبه ( اخاف)!!
@@@@@@@@@@@@@@@@@@
مسكت الجوال فلان لا لا عنده دوام !! فلان لا لا عنده جامعه !! فلان لا لا امام مسجد مهند يقول مشغول بالفيديو ( مين قدك ذكرت اسمك بموضوعي)والله لي الشرف ان اسمك يكون بموضوعي وقفت على واحد لو اقوله قووه للدعيسه قال قدااااااااااااامعاد تخبرون الدعيسه بعيده عنا

احسكم بتقولون وانت وش شغلتك انا Nothing => ترى كل الزحمه اللي فوق والفلسفه من شان تضبط هالكلمه واحطه لاني ماعرف الا هي وفرح=>

توكلت على الله ودقيت عليه وياليتني مادقيت !!
بعد ماسلمت عليه واخبارك وعلومكم دخلت معاه بالموضوع . سالته وش عندك اليوم ؟ قال ماعندي شئ بس شوي شغل واللحسه كيف ماعندك شئ بس مشغول يعني تخاوين ولا لا ؟ قال وين قلت مشوار خفيف قال قداام قايلكم ماعنده مانع لو اقوله للعراق قال قدام يالبا قلبه ==> اركد
@@@@@@@@@@@@@@@@@@
قلت اوكي شويات وانا جايك جهزر روحك .. شغلت الذيبان ورحتله وهذي صوره مشابهه وترى ماهو موتري

اهداء لكل شخص يحب هالموتر ( اضغط فيذا ) .. حفظ الهدف باسم
والصوت اللي عند الدقيقه 3 و20 ثانيه هذي بوجه علي

المهم .. رحت يمه ومريته مشينا وسالني عن مناسبة السفره قلت عندي موعد بالرياض شوي الا يتثاوب الولد !! قلت وش فيك ؟ قال مواصل مانمت قلت اهاا ما امدان امسك الطريق الا اسولف ولا اسمع رد يوم ناظرت الولد نيم قلت هييييييييييييييييه قم ماجبتك تنام ابيك توسع صدري قال والله ابنام تعبان حاولت مافاد يبي ينام!!
قلت زين قعدت اهوجس وافكر افكر ووصلت لاقصى الدنياء بالتفاكير وابشركم ملكت العالم كله وطفشت قلت شغل المسجل ياولد وعلى فكره تراي مانب اسمع الا شوي بس واقصره بعد الا يقوم الولد قال ماتشوفني نايم ؟
قلت انا جايبك تنام ولا تسولف معي قال تعبان وش اسوي!!
قلت انا اعلمك وش تسوي

نم نم بسم الله عليك بس خلك مضبط ومجود روحك ماله داعي كل دقيقه نغير التهوئهالا ماتبين اوقف على جنب بالطريق وتنام بالسياره وانا اجلس احط ايدي على خدي انتظرك لين ماتصحي

نام ماشاء الله عليه مشيت وانا اتحرى المخرج يجي بسرعه..طووووول ابن اللذينا ماجاءطلعلي مخرج الحمدلله واطلع معه وارجع للديره والولد نيم وصااااااااااااااروخ لبيتهم يوم وصلت قلت وصلنا قام انبهل قال امدانااا قلت معاليش صار ماهو موعدي اليوم .. اليوم الثلاثاء عبالي انه الاربعاء قال اووف وبدأ تلعين و و قهررررر حمستني محتاج الرياض قلت مره ثانيه ان شاء الله عندي اشغالي!!
نزل ونصه نوم .. وشال اغراضه .. يوم نزل وكلش وانا صاااااااروخ توقعوا فين؟
طريق الريـــــــاض رح نم عند امك ماهو عندي
@@@@@@@@@@@@@@@@@@
مسكت طريق الرياض وحداني بس حدي مستانس مره ولا تذكرت خويي فطست ضحك صحيح ودي معي احد بس الوحده بعض الاوقات وناسه وصلت الرياض بحمدالله وسلامتهدخلت المغرب ويالهوي يالزحمه خلصتلي كم شغل مادريت الا الساع 9 قلت ياولد الاستراحهوابشركم تراي ماضعت الحمدلله
رحت للاستراحه بعد مامريت بيت عمي وبدلت وضبطت روحي ومشيت

وصلت الاستراحه وفيها الربع والجماعه الا وش اشوف خويي اللي منزله فيه لااااااااااااااااحووووووووول ولاقوة
بغيت ازبن بس ماش دخلت وسلمت عليهم يوم وصلته كنئ برئ :$ غمضت عيوني وسلمت ولا سلم علي قلت سلامات قال لاتكلمني حاول يتكلم بس قلتله صارتلي سالفه اقوله لك بعد شوي لاصرنا لوحدنا

بعد ماجلست وانا افكر وش اسوي الله يعين الا طلعت لي فكره اليمه
طلعنا وتفاهمنا وصرفته وانتهت السالفه والحمدلله رضى سموه حفظه الله ولاتسالوني عن الفكره لانه بلحاله يبغالها موضوع كامل بس يمكن اقوله برد لي هنا
المهم يوم طلعنا سولفنا ومع السوالف اتضح لي انه خويي مكلمه بس ماتوقعته صارت ( صدفه ) لا عادها الله من صدفه

ما اعتقد ان فيه احد يخالفني ويقول ليش ترجعه اجل يبي ينام كل الطريق ويبغاني عالصامت صرت سواق ماشاء الله؟

اتمنى انكم استمتعوا واللي ماجازلته هالسالفه وتحسف انه دخل الموضوع مع اني ما اتوقعه يدخل هالرابط لموضوع سابق ( مغلق) ( محيميييييييد ) وصدقوني ماراح يندم

آآآآآآآآآآآآآآآآآآآآآآآآآآآآآه يامحيميد
والسلام عليكم ورحمة الله وبركاته ،،
اضافة رد مع اقتباس