نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

R D H · #11 03/05/2009, 03:25 AM

السلام عليكم ورحمة الله وبركاته

تحيه طيبة لك ياعقد .. يا ياسمينه ..

شعور مقرف .. أن ينهزم فريقك بسداسية قاسيه على أرضه وأمام جمهورهـ ..

أمرٌ يجبر أي شخص على إغلاق الجوال ثم الإبتعاد عن النت .. ثم النوم ..

لكني لا أعلم لماذا لم أفعل ذلك ..

مكثت بالمجلس .. ورأيت موضوعكـ .. وكعادة الياسمين لا نرى منها إلا ( ياسمينا )

لقطات نشاهدها كثيراً بل هي اساس حفلات الزفاف .. والله يستر بس ..

( جنة الأطفال منازلهم )

أيقصدون أنه يمنع اصطحاب الأطفال ؟

لا يابنت لو قصدهم كذا كانوا شددوا بطريقه أخرى ..

أنظروا معي للصيغه اللي فوق .. صيغة شخص مستحي .. وكأنه يقول للناس جيبوا عيالكم معكم !

أرى كثير من الحريم يتضايقون لما يعرفوا انه ممنوع اصطحاب الاطفال وبعضهم ياخذ على خاطره من أهل العرس أنهم منعوا من إدخال أطفالهم معهم ..

علاقتـي معك شيء .. وتدخيلك لـ ( بزارينك ) في العرس .. شي ثاني رح يثير الفوضى ..

يعني ما أدري .. ما يقدرون ؟

صحيح أنه جميل الأطفال يفرحون ويمرحون .. لكن مو على حساب جمالية العرس والبرنامج اللي فيه .. والله العظيم أذكر يوم أني تحت العشر سنوات كان فيه اعراس نروحها وكنت ادخل عند الحريم .. احس والله اني في ساحة المدرسه مب في عرس .. هذا يلعب مصارعه مع هذا وهذاك يلعب حبشه والثاني يركض ورا صديقه .. هذا كله بالعرس والله ..

أنا عن نفسي في عرسي قريبا ان شاء الله

... رح امنع دخول الاطفال باستثناء عيال اخوي واختي وعيال اخت المدام واخوها والاطفال المقربين جدا جدا من العائله .. لأنه نقدر نفهمهم انهم مايسووا ازعاج ويساعدونا بعد ..

لكن الدعوه تكون مفتوحه لأي احد يجيب عياله عند الحريم .. مستحيل

.. يبون يخربون على المدام احلى يوم بحياتها ؟

وطبعا انا اتكلم عن منع الاطفال عند الحريم .. لانه يكون فيه برنامج وشغل متعوب عليه وأسألوا الصخره

لكن عند الرجال عادي .. اصلا يكون كنه عزا والبزارين بيفرفشون الوضع شوي

فاهم ياعلي ؟

//

وبالنسبة للملابس التي يرتديها البعض ..

للأسف الشديد فهي تكون من نوع ( لابسه من غير هدوم ) ..

لو تستر نفسها أفضل لشكلها الخارجي قبل أن يكون لشكلها الخلقي ..

الله يهدينا وإياهم يارب ..

//

عريس وعروسه ..

بوجهة نظري هي " عادات وتقاليد "

وبوجهة نظري أيضا لا مشكلة في أن يدخل العريس ووالده عند الحريم بعد أن يتغطوا ..

ويلتقط العريس ووالدته ووالده واخواته البنات صورة جماعيه مع العروس على ( الكوشه )

صوره تذكاريه .. ومره بالعمر .. ومو لازم أنه يرقص .. يتصور ويسحبها ويطلع

ولا أعتقد أن ( العريس ) حينما يدخل بيقعد يناظر يمين ويسار على الحريم .. وهو اليوم عرسه .. إلا عاد إذا كان عريس عينه زايغه وصايع ..

تبقى وجهة نظر وتختلف من عاده لأخرى ..

//

بالنسبه لتكاليف العرس ..

صحيح أنها ليلة العمر .. وأنها تجي مره بالعمر .. وأنها لازم تكون احلى ليلة ..

لكن مو لدرجة ندفع مبالغ خيالية في ليلة واحدهـ ..

بعض القنوعين يقولك .. بسوي العرس بإستراحه فاخره .. وبجيبك بوفيه مفتوح والاكل وبيطلع التكاليف كلها 8 الاف ..

بدل ما أدفع 40 ألف بفندق ولا بصالة افراح فاخره ..

لا أوفر فلوسي واطلع بها شهر عسل ..

تبقى قناعات .. وطرق تفكير ..

....

عقد الياسمين .. بصراحه موضوعك ممتع ..

يعطيك العافيه يالغالية .. وماننحرم منك

وأنا متابع قوي لقلمك ..

دمتِ بأجمل حال