اخوي ياقاهرهم ياسامي ..
انا ما احب اعلق على مقالك .. لان واحد مثلك مايحتاج اي شهادة او تعليق من امثالي ..
لكن اذا كنت اختلف معك في نقطه .. لازم اتكلم عنها .. واتمنى انك تتقبلها بصدر رحب ..
بالنسبة لفيصل (( وهو الموضوع الاساسي )) .. اعتقد انك قسيت بزياده على اللي سواه .. واتهمته باشياء ما اعتقد تليق بلاعب له مكانة في قلوب الكثيرين .. صحيح فيصل اخطأ .. واحنا لازم نقوله انت غلطان .. بس لازم نعرف مسببات الكلام اللي قاله .. فيصل انتقد المصيبيح باشياء ماكانت غايبه عنا .. وكلنا كنا نناقشها في هالمنتدى .. وهو اخطأ ببعض الالفاظ اللي قالها .. وللأسف استخدمها بطريقه تهكميه .. وهذا غلطه .. وماعرف كيف ينتقد الامور بموضوعية .. بس احنا ليه نتهمه باشياء كبيره شوي وهي بعيده عنه .. وما اتهمناه الا بعد ماصار صريح شوية وزيادة عن اللزوم .. وهو كلاعب اقرب الناس للاداريين .. وادرى الناس باللي قاعد يصير .. والاكيد انه ماقال هالكلام من فراغ .. اكيد تعرض لمواقف يمكن كان مظلوم فيها ..

وبالنسبة للمصيبيح .. لا انا ولا انت ولا اي هلالي ثاني نختلف على انه احد اهم اسباب النجاحات الاخيره .. وان سياسته انسب سياسة في عصر الاحتراف .. بس تعتقد هذا يمنع ان يكون له بعض الاخطاء والملاحظات ؟؟؟؟؟؟؟؟؟؟
الاخطاء والملاحظات هذي اللي مايقدر ينكرها احد هي اللي انتقدها فيصل بس باسلوب مايليق ابدا بمكانته ..

وانا في ردي لا مع فيصل ولا ضده .. بس انا ضد الطريقة اللي استخدمها .. وضد تفسيرك وتفسير الكثيرين للامور ..
يمكن اكون غلطانه .. ويمكن تكونون انتم غلطانين .. بس في النهاية احنا نتناقش لمصلحة الهلال .. واختلاف الراي لايفسد للود قضية ..


والله يعطيك العافية ..