نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - 6 غرز ==> أنت السبب ياطارق التايب ، الباص عيون سبب المصيبه

محمد الشلوي · #1 30/04/2009, 09:33 PM

السلام عليكم و رحمه الله و بركاته ..

مساء الخير لكـل عشاق الزعيـم .. مساء النور والسرور و الفله و التقليد الأعمى

شلونكـم يآ زعمآء ؟؟؟

ان شآْ الله كليآآآتكـم منآح ..

والله يوفــق الزعيم بكره مع الشباب

السالفه و مافيها .. قبل إسبــوع تقريبـآ يوم الإربعاء .. و قبـل المغـــرب ..

الساعه تقريبا 5 ونص بتوقيت الرياض حي التعاون

فيه واحد من اخواني قرد شوي عليه جني ظلمته بصراحه لو اقول عليه .. يعني عنده نشاط يفوق الخيال ..

ومعه بعض المساطيل من عيال عمي

لازم كل بعد صلاة العصر يلعبون كوره وبعض الاحيان نلعب معهم وبعض الاحيان يكون الواحد نايم ..

ذاك اليوم البيت فل مليان كلن جاي وجايب بزرانه

المووووهوووم

اخونا في الله عبدالله من عشاق طارق التايب ومزعج الدنيا بطارق التايب

والتايب وبث

والتايب مايمديكم عليه ..و التايب اذين واحد ذي ذي رنالدنيولهو ..

ذاك اليوم لابس لبس الهلال وربطه باليد وربطه على الراس مايمديكم خخخ

وربطه على الخصر وربطه على الساق وبكل مكان ربطات والبلوزه رقم 14 والتايب وبث ..

وعيال عمي مرفعين فيه ياهوو يالتاايب وراسه من دون شي كبير بس يكبر زياده

وحمسوه وطيروا فيه الدنيا وبدأ الإستعراض وبدأت الطنازه والتحديات .. اتحداك تسوي حركة طارق التايب الباص عيون صح

واخونا تحمس

عبووود عبوود هوو هوو خخخ

يالله يالتايب اتحداك تضبطها

لا تتحدون والله اثوي باثات عيون

اتحدااك تطبقها صح ..

وابو عابد تحمس بدأ الإستعراض الغير محمود

..

وانا اطالع اخونا بدأ يستنزل موب من عوايده .. اييه يالتاايب يالبرنس ياخطيررر

وتقدم بالكوره خطوتين و تقدم شوي واسرع ويوم جاء بيناول وإلتفلت يمين وبيناول يسار إلأ الماصوره بوجهه

ويبدأ الفلم من هنا

طبعا صك بالماصوره ودم بكل مكااان .. ذكرني بذبايح عيد الاضحى

وصرااخ ودووه المستشفى ودووه ..

وبرفعه الا التايب مغمى عليه

ونضفه على الطوارئ ومدري كم واحد ركب معنا بالسياره .. يوم وصلنا المستشفى جاء ابونا

ومعصب مايشوفو هذا ؟؟ عيونه وينها

.. ويسأل من الي دفه .. يوم قلت له ابد الرجال يبي يسوي باص عيون مثل التايب

قال ابوي الله ......

والله ..... الهلال

خخخخ

المهم حصل خير يابو عبدالرحمن ..

وهذا هو جاي ملفوف راسه بست غرز .. وابوي يقوله الحمد الله على السلامه .. ماتشوف انت الي يعلب يلعب وهو مفتح ..

ويرد على ابوي بسوي زي التايب يبه .. خخخخخخ

واخيرن طلع معافى مشافى والحمد الله على سلامتـه ..

وانتبهوا احد من اخوانكم الشياطين يطبق الباص عيون ..

وسلامتكم ..