أنت ذكرت إنك من المهووسين بفيصل ابو اثنين صح
طيب قبل مانناقش الكلام اللي قاله فيصل ليش أو بالأصح ودي أعرف ( ليش قال الكلام )
بصراحة قبل لانعاتبه حتى لو أخطأ لازم نعرف ليش ابواثنين تكلم على المصيبيح وعلى جمهور الهلال وبذا الوقت بالذات وبعدين نحكم عليه .
أخوي الحبيب ياقاهرهم حتى لو تكلم داخل أسوار النادي وليس عبر صفحات الجرائد لازم نعرف مالذي جعل ابو اثنين يطلق التهم ...
أبو اثنين ياقاهرهم أكيد ماتختلف معي إنه مثقف وواعي وعاقل ويعرف يتكلم صح بس أنا متأكد إنه فيه أمور قد أكون أنا فقط لااعرفها جعلت ابواثنين يتهور ويتكلم بهذا الحوار والذي شن فيه حملة على المصيبيح وأنا متأكد أن كلام ابواثنين لن يؤثر اطلاقا في المصيبيح لأن كلام ابواثنين يعتبر وجهة نظر قابلة للصواب وللخطأ كما أن المصيبيح كرجل يخدم الهلال عمله يقيم فهناك من يمدح وهناك من يذم ما يقوم به ولكنها أيضا تبقى وجهة نظر .
أخي أنا متأكد إن صعد الموضوع فلابد أن نسى ان هناك لاعبا عشقناه وحبيناه اسمه فيصل ابو اثنين .

أخيرا ياقاهرهم الموضوع وحصل ولكن الأهم في الموضوع كيف نعالجه .
فيصل مهم والمصيبيح مهم ولهذا لابد من تسوية الأمور ليس بالصحف والرد وأن ننتظر المصيبيح يرد أو من يدافع عنه بل داخل النادي وبهدوء حتى لانخسر الاثنين معا أو أحدهما .

كل هذا من أجل الزعيم
تحياتي يالغالي وآمل إن فهمت شيء من ( الخربطة اللي كتبته ) بخاطري شيء بصراحة وقلته بس على الله أكون وصلت اللي بالخاطر