شباب صحيح رانيري الكل اتفق على فشله الذريع في قيادة اليوفي ..
لكن ليه ماتحطون انفسكم مكانه وتتخيلون لاعبين تبي تتعمد عليهم ويخذلونك !!
عندك العنز اماوري كان مأمل فيه وكان يلعبه اساسي على طول وللأسف ماكان محل الثقة (اخر المباريات اقصد)
وقبل كل هذا ... الملك أليكس , من قبل مباراة تشيلسي ومستواه طاااااااااااايح , اذكر بعض الشباب قالوا رانييري لاعنن جدفه بكثرة المشاركات .. قلت اوكي وشفناه جالس بالدكة كم من مباراة ورجع يلعب اساسي وللأسف نفس الحكاية !
وغير كذا .. بوفون اللي ممكن بعض الاحيان مدرب يدخل بدون تشكيلة ويعتمد بعد الله على حارس الفريق لأنه نص الفريق(لايكثر
) لا صدق , اجزم لكم ان بوفون كان احد اسباب اخفاقات الفريق خصوصاً في المباريات الأخيرة وارجعوا للاهداف وشيكوا !
من متى بوفون تطلع منه اخطاء بدائية!!!!
هل هذا بسبب تأثير الاعلام وانتقاله للبرشا او السيتيزن !؟
ما اتوقع بوفون يتأثر بالتفاهات هذي !
وغير كذا الاصابات اللي لعبت بحسبة الفريق ... يعني الدفاع صار لي فترة ماشفته يلعب مباراتين او 3 ورا بعض وهو نفسه ماتغير عدا السلق اللي على الاطراف الله يشلهم .
كيلليني يعتبر احد اعمدة الفريق في خط الدفاع وجته انواع الاصابات سواءا غيبته عن بعض المباريات المهمة او تأثر الفريق بهبوط مستواه بسبب الاصابة !
هذا اللي عندي ولا فيه اسباب اخرى كثيرة تمنع اي مدرب من تحقيق هدفه ولو كان ( كأس إيطاليا ) !
وفيه تصريح لكوبولي يقول ناظر الجانب الممتلئ من الكاس ... صحيح ودي ازنطه الملعون لكن يقولك خذ الحكمة من افواه المجانين .
شوفوا رانييري من طلع لك واللي اليوفي ينتظر منهم مستقبل ... يكفي ماركيزو وأريادو وروسي واعطى الفرصة لجيوفينكو لإثبات نفسه وبزغ نجمه في بعض مباريات هذا الموسم .
اللي ابي اوصله ياجماعة الخير . ان رانييري مو مدرب بطولات حتى لو بطولة تيم
رانييري مدرب بناء يعني جبه يبني لك فريق وعقبه يقضب الباب . بس فيه نقطة تحسب لرانييري . الفريق يتغير شكله 180 درجة في المباريات الكبيرة سواءا كأداء لاعبين او تكتيك وممكن بعض الاحيان تغييرات سليمة
مدري لاحظتوها ولالا .
وارجع واقول . انا ما اطالب ببقاء رانييري بالعكس ودي يركلونه من اليوم قبل بكرة .(متعوب على يركلونه.اتابع فلم واسمع واحد يقول آي ول كيك يور آس وتطلع لي بالترجمة سأركلك
) لكن ننتظر نهاية الموسم وان شاء الله يجينا مدرب صاحي . وانا كتبت هالكلام لأني اشوف بعد كل مباراة سب وشتم في رانييري بجميع الاشكال والالوان . هو يستاهل وابن كلب لكن ليه ماتلقي اللوم على بعض اللاعبين !!؟
وبالنسبة للي يبي يقلب لميلان حتى نهاية الموسم . فأقوله كان الله بعونك . وبذكرك نهاية الموسم وش أقصد
اعذروني على الإطالة
