تغيب الشمس لا ثارت براكين البحر بامواج
ويضعف نورها دامه يواجه موجه الأزرق


يـهيج البَحْر وما ينفعك لامن البحر بك هـاج
وغـابت شـمس أيامك وما ظن أنها تشرق


تروج الأرض وهلالي بعيد الشر ما ينراج
مروج جباله الخضرا بدت أغصانها تورق


غدى في كف كورتنا مصابيح(ن) حداها سراج
تنُّور كل دهليز(ن) بها غربانهم تنعق


يدوج هلالنا بارض(ن) عسيره ما بها من داج
لغة منطوقنا فنـ(ن) عجز احد(ن) بها ينطق


وفود(ن) زفّت الأزرق بياض كفوف سود حجاج
قلوب(ن) صادقه واحساس بهلال الوفى يخفق


رسم للغير أبداعه وغيره ماخذه منهاج
وتبطي باقي سنينه إذا فكر لنا يسبق


جماهيره تلبي له عددهم كنهم حجَّاج
صدى أصواتهم صارت لشمس الغير هي تحرق


خزينتنا مطار(ن) للبطوله واصبحت مدراج
تدرّج كل ألقاب(ن) بعد ما خصمنا يغرق


نكحل عين ناظرنا بلا اخراج أو منتاج
بفن(ن) داخل الملعب ولعيون البشر نسرق


فريق(ن) مظهر(ن) نابه شديد(ن) لو بوسط العاج
رحيم(ن) بالخصم دايم على غيره ترى يشفق


على مر الزمن صاحبي ماصرت انا مسهاج
ولا سفن الزعيم اللي تهون لكل من يخرق

صح لساااانك مدد بلا عدد يا بو صالح
وقصيده ترفع الراس والهلال يستحق كل هذا


تشرفت بقراءتها ومعرفتك