الزعيم والعميد أمامهم موعد مع ( قطع ) مشوارهما الآسيوي والوصول للدور الـ16 بإذن الله
وفارس الدهنا .. والليث حجزوا الأماكن
وبإنتظار ماتسفر عنه الملامح الأخيرة لتر تيب جدول كل مجموعة
أما نادي ( البيانات ) و ( الخزعبلات ) و ( التشكيك ) و ( الإتهامات ) فضل قطع ( كيكه ) في النادي .. وهي العادة .. كل يوم والثاني نشوف خبر وفيه صورة لاعبين نادي النصر والإدارة وهم ماسكين سكينه كبيرة ويقطعون كيكة !! هالمرة كانت لعودة اللاعب سعد الحارثي .. وقبلها لعودة طلال الرشيد .. واللى قبلها كانت الكيكة بمناسبة التعادل مع الهلال .. وفرصة للي وده يفتح محل حلويات عند هالنادي ..
أذكر تصريح للأمير عبد الرحمن بن سعود رحمة الله في أحدى مشاركات النصر الخارجية .. وكالعادة ( حذف ) للهلال بقولة .. أمامنا مباراة مع ( وذكر إسم الفريق ) والهلال أمامه مباراة مع ( النجمة ) في ذلك الحين على مااظن !!
وسبحان الله !! وتدووور الدنيا .....
الله يرحم موتانا وموتى المسلمين ...
محمد الدويش ذكر في مقالة اليوم عن إصابة الفريدي وأن الجمهور تعامل مع إصابة الفريدي بعنصرية مع ريان بلال !! ويذكر المثالي ( الخرطي ) الدويش .. وهو فعلا عميد الكذابين .. والدليل تناقضة في المقالين .. يقول أن أبني سالني عن أصل ريان بلال !! فذكر له المثالي والخلوق والدة
بانه مسلم .. وسعودي !! كلام جميل !!
لكن وين هالمثل يابن دويش يوم تكتب عن إساءه بن سعيد .. وتقوس الجملتين وهي ( بن سعيد ) و ( بن سعود ) وهي العنصرية والفوقية الممقوتة والمكروهه .. او كل مايخص الهلال تقف مبادئك ومثلك .. ؟؟! ألم تذكر بأن هنالك فرق بين ( بن سعيد ) و ( بن سعود ) ؟؟ وكأنك تقول الإساءه مسموحة للأول ومرفوضة للآخر !!
يامثالي .. متى تكف عن الكذب ؟!
بعد إصابة الفريدي طلعت أسامي كل المصابين النصراويين .. حتى اللى جاه شد عضلي ذكروا إسمه وإتهموا الهلال في إصابته ؟؟ حتى اللى مالعبوا وكان فيهم أنفلونزا .. طالهم الإتهام .. ليش يعدونهم لاعبي الهلال !!
في الختام .. اللاعبين فيهم إرهاق ياجماعة .. والله مرهقين لدرجة كبيرة .. تعبوا من الكورة .. من التمارين .. من المباريات .. ياجماعة انا رقيت درجة للدور الثاني وإنسدحت أريح أسبوع وجنمبي موية صحة وريموت التلفزيون !!
الله يعينهم ..
وبالتوفيق للزعيم الليلة وكل ليلة
أخوكم الصغير ابو طلال
