نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - دائما العظماء مثل ( ابوطلال والصخرة ) يتعرضون لهذه القرصنة

غيمة عطش · #43 21/04/2009, 06:51 PM

عاد هذي ضريبة الشهره يالصخره

لازم تحمل أنت و أبو طلال , احمد ربك إنه صفت على سرقة موضوع بس , ممكن بكرى ينزل خبر بالوئام ولا بسبق و لا بأي جريدة إلكترونيه يقول تم القبص على كاتب شهير وهو في خلوة غير شرعيه مع معرف أنثوي

في منتديات (محافظة الدلم) !

عاد حقين الصحيفه ما يكتبون اسمك لزوم اثاره و تشويق القارئ و الحركات ذي , بس يكتبون تلميحات إنه أنت مثل :-
- الكاتب المشهور قصمنجي الأصل و المنشأ .
- له علاقة وثيقة مع كاتب مشهور آخر يذيل كتاباته دائما بكلمة (أخوكم الضعير)

- معلقه المفضل محمد المسرحي.

- سبق وأنا أعاد بعثة منتخب خليجي من أجل الحصول على تي شيرت أحد اللاعبين وذلك بمباركة شخصية رفيعه في ذلك البلد.

- أنزل موضوع في الـ 48 الساعة الماضية و يكتب في منتدى نادي عاصمي مشهور .

بالحاله ذي وش بتسوي يالصخره ؟

إقتباس


	بالنسبة للأخلاق لازلت أرى أن أهل بريده أكرم أخلاقا من أهل عنيزة لموقف واحد فقط

معشر القصمان ما عليكم من هالفتانه ذي

هي وردوده اللي كنهن (خط الساحل) من طولهن

أهل عنيزه و بريده و الرس و البكيريه بعد (عشان أبو ميار)

كلهم ما مثلهم و ماهنا أزين و أكرم و أرجل و أطيب منهم

إقتباس


	كلنا قصمنج

أما بوطلال قصمنجي

إقتباس


	كلنا نؤمن بالموهبة والحس الابداعي للمعلق محمد مسرحي << هذاك اللي يقول ( والله ياهو قووول ) وتطلع منه كأن واحد معطيه بوقس مع بطنه

ههههههههههههههههههههههههه استغفر الله العظيم

تدري عاد وش اللي يمزع تسبدي من الضحك ؟
بيت الشعر اللي دايم يردده كل ما جاء هدف و الظاهر إنه ما حفظ إلا هو :-
"سرقني ما دريت انه سرقني *** سلبني و احسب اني فاطنٍ له "

حتى إني أحيانا أشك إنه بس ينتظر يجي هدف عشان يقوله !

=====================================================================

سفن آب المجلس العام <--- لذيذ و رايق

شكراً على الموضوع الخفيف و اللطيف .