نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - '' طاقــات تهــدر داخــل السجــــــــون "

marsal · #36 17/04/2009, 01:55 PM

إقتباس

الرسالة الأصلية كتبت بواسطة ابو طـــــلال


	أجل الحرامي اللى خطير بفتح الخزنه ليه مايستفيدون منه بفتح خزنة المجرمين ..

إقتباس

الرسالة الأصلية كتبت بواسطة ابو طـــــلال


	رقاصة تهز صح ورى مايستفيدون منها في الزواجات بدال الدي جي والزفات ! محشش خفيف دمة ورى مايستفيدون منه في تقديم برامج للأطفال ! مجرم عظلات ورى مايستفيدون منه في تصفيق كل شخص يبتز فتاة !! ماهيب بهالمنطق اخوي مرسال ... المذنب ياخذ حقة بالسجن والعقوبة وحبس حريته !! أما الإستفادة منه مهيب واردة والفايدة من غيره أفضل خصوصا فيما يتعلق بالأمن !! تحياتي لك .. رغم إني مااحب أرد على المواضيع اللى مهيب مثبته .. بس حبيت ارد لأهمية الموضوع وفكرته الجهنميه رغم إني لاأؤيدها !! يعطيك العافية ياكابتن

هلا وغلا ..

واشكرك على تواضعك انك تنازلت ورديت على موضوعي الغير مثبت

لكن للعلم انا يعجبني الموضوع الي يتحرك مره فوق ومره تحت مثل الاسهم افضل من موضوع واقف مكانه كالخشب المسنده

المفروض الحرامي يقصون يده ويرجعونه الى بيته هذه العقوبه الشرعيه العادله اما انه يسرق وبعد ما يطيح بيد الدوله يروح الى الفندق اقصد السجن وينام وياكل ويشرب ويقراء جرائد ويصلحون لهم احتفالات وبعد عشرين سنه يخرج ويروح لامواله التي اخذها دون وجه حق ..

يعني مثله مثل التاجر الذي يخزن فلوسه بنك ويروح يسافر ويجي بعد عشرين سنه ويلقى ملايين تنتظره

السجن وكتم الحريه ليست عقوبه رادعه لبعض الجرائم مثل السرقه وليست عقوبه مثمره للمجتمع لبعض الجرائم الصغيره..

نرجع لايام الرسول صلى الله عله وسلم ونطبق العقوبات التي كان يطبقها انذاك بغير السجن..

مثل السرقه والزنا والقذف والقتل وغيرها من الجرائم التي عقوبتها فوريا ..
ولا تحتاج الى سجن مطلقا

ونرجع لعقوبته لبعض الاسرى في غزوة بدر منهم من كان معه مال امره بالفديه
ومنهم من كان يقراء ويكتب عاقبه بتعليم ابناء المسلمين

وغيرها من العقوبات المفيده للمجتمع افضل من سجن لا يغني ولا يسمن من جوع

إقتباس


	ماهيب بهالمنطق اخوي مرسال ... المذنب ياخذ حقة بالسجن والعقوبة وحبس حريته !! أما الإستفادة منه مهيب واردة والفايدة من غيره أفضل خصوصا فيما يتعلق بالأمن !!

ضابط مكافحة المخدرات دوبه متخرج من الجامعه شنبه لسى مأخط

ولا يعرف يدخن ولا يعرف انواع الدخان ولا يعرف يفرق بين الحشيش المغشوش والغير مغشوش

ولا يعرف معنى ميرندا او الاصفر كيف يقدر يفيد المجتمع في القبض على المجرمين

طيب لو صارت مطاره لمروج المخدرات ودخل صحراء هل الضابط الذي ظل طول حياته يذاكر داخل بيته وتحت مكيف ولا عمره شاف صحراء او طلع بر هل يقدر يكمل المطارده ؟؟

بعض الجرائم مثل المخدرات ما يقدر يحلها الا رجل تمرس وخاض شوطا طويلا في هذه الامور

شكرا لك ابا طلال