الأخ العزيز / محمد أبو لما. . . بعد التحية
يسعدني أن أشرك في موضوعك أخوي محمد , بس بقولك شي يمكن الموضوع هذا أثير من أكثر من عضو في المنتدى وحبيت أفتح المجال للغير لأن رأئي قلته في أحد الردود على أحد الأخوان وأول رد كأن لي على محترف توقعات أول ما قريت الخبر يعني رديت عليه في أكثر من رد والأخوان ما قصرو أبدو بكل ما لديهم من الأراء اللي أتمنى أن تكون هادفة .
وعموماً بأذكرلك رأئي يالغالي أنا أعتقد فيصل مسك الموضوع من جهتين وصار السلاح اللي يستخدمه مدعـوم بزملاه اللاعبين وعـموما الجهـتين هي :

الأولى أنا معه في كل ماذكر والثانية أعتقد أنه أخطاء في حق تاريخة وحق ناديه .

الأولى : أنه كأن صريح وأبدأ أعترفه الشخصي بحبه للنادي ومصلحة النادي وطالب برفع الستار علانياً عن العيون لينكشف كل تقصير حاصل ولكشف كل التخبطات اللي تدور وهذا شي حلو وما فيه غبار من لاعب مثل فيصل , وشهد شهادة يستحق عليها الشكر للأعب كبير أقصد يوسف الثنيان وأسلوب التعامل معه وطالب بتغيير أسلوب التعامل مع من لهم حبٍ كبير في النادي ومن هم حريصون على النادي وإنجازاته ومن هذا القبيل كما قراءة وهذا كله حلو وما نقول فيه شي ...

الثانية : أسلوب التهجم لعلاني المفرح للمنتمين لغير الهلال ما أشوف أن له أساس أصلا ومدري وش الدافع وراه هل هو تسليط الضوء طيب كأن من المفترض المناقشات تكون داخل النادي بعيد عن الصحافة لأن سمعت الهلال ليست على مستوى المملكة فحسب لا كل دول الخليج والدول العربية تعرف الهلال وليس هذا فحسب لا أنا أرفض وبشدة التهجم والأسلوب المتبع على فهد المصيبيح يمكن يكون للعض رأئي أخر أحترمه لكن قبل لا يقول رأيه عندي سؤال واحد أتمنى أن يجيب عليه بمصداقية أي واحد يؤييد فيصل في طريقة التعامل مع المصيبيح سؤالي هو :
من هو فهد المصيبيح ؟ ومن هو فيصل أبو أثنين ؟
طبعاً اللي قرأ سوالي هذا يمكن عرف الإجابة تلقائياً فالمقصود منه يمكن يكون المصيبيح غير ناجح إدارياً لكن ما نطلق عليه العبارات اللي تسئي لتاريخه المشرف لا نشرح الوضع للأعضاء الموجودين ويتم توكيل المهام بما يرون فيه مصلحة النادي أولاً لكل مختص نصيبه من المهام الموُكلة له حتى ينجلي الخطاء ويتعدل للأفضل .
يمكن يقول البعض من الأخوان أنا مع المصيبيح لا تفهمون غلط مثل ما فهمني البعض خطا أنا أقول عدم تبذير العبارات في حق النادي أولا أمام المتفرجين والمتفرحين وحق تاريخ اللأعب فهد المصيبيح .

هذا يمكن أخوي محمد مختصر رأئي في ما ذكره فيصل أبو أثنين والمعذرة إذا بدر من كلامي شي خطاء فهذا رأئي شخصي لي .

تحياتي لك وللجميع ,,,