نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

شوق الكويت · #1 30/03/2009, 04:05 PM

بسم الله الرمن الرحيم

السلام عليكم ورحمه الله وبركاته

اشلونكم شخباركم ؟؟؟

الصراحه هالموضوع صارلي اسبوعين ودي اكتبه وماودي خايفه احس ماراح يكون له صدى وانا ماحب مواضيعي مايكون لها قيمتها

عالعموم هو موضوع يهمكم كمسلمين اولا وكسعوديين ثانيا

بدا الكورس الثاني بكليتي بفضل الله قبل 3 سابيع والحمدلله انا متفوقه بجامعتي دايما لكن المصيبه ان هالكورس
يدرسني واحد في قمه السخافه وقله الدب ....

جنسيته من كندا

بتقولين اشلون قليل ادب مو باللي في بالكم لا بس وايد يتمرد عالدين والمذاهب والدول

هو يقول انه كان يدرس بالسعوديه قبل لا يجي الكويت المهم ذاك اليوم يقول انا درست سنتين بالسعوديه واكتشفت شي بشبابهم انهم مغرورين وايد وايد وشايفين نفسهم ويحسبون انهم ناس مميزين غير عن كل البشر

قمت انا وقلتله مااعتقد انهم مغرورين يادكتور وايد نعرف ناس سعوديين ماشفنا عليهم هالشي .....صراحه صراحه زفني وسكت بعدها .

بعدها بيوم قال انا لاحظت ان نص الكلاس يلبسون نقاب ونصه لا ليش فقلناله ان الاسلام يشرع علينا انه احنا نتغطى ونحتشم عن الشباب لان فتنه وذكرناله ايات من القران وقلنا ان الافضل طبعا اللي يلبسون نقاب قام هو وغطى وجهه بقميصه وقال iam wearing negab انا لابس نقاب ؟؟؟؟ يقلد البنات ويضحك علينا قلتله هل تعتقد ان النقاب شي مضحك ؟do you think negab is funny

قالي لا بس انا اضحك معاكم وحقد علي طبعا لانه كان يستخف دمه وانا عصبت عليه

اواليوم كملها بعد يقول انه كان يدرس بجده في مكان اسمه دار الفكر يم جامعه الملك عبدالعزيز

وكان يدرس شباب وقال ان مر عليهم رمضان وقاس وزنهم قبل رمضان بيوم وبعد رمضان بيوم واكتشف ان الشباب كلهم زايد وزنهم 5 او 6 كيلوات وهذا كله من الصيام

قمت للمره الثالثه وتفلسفت وقلتله عادي ينزلونهم هالكيلوات بعد العيد

عصب وقال لا هذا مو زين على جسم الانسان انه يزيد بشهر واحد هالكثر ؟؟؟؟؟ طبعا المقصد كله عالمسلمين

مابي اطول عليكم بس دايم ينتقد المسلمين والاسلام والسعوديه خاصه ويقول ان السعوديه يظلمون الانسان لما يشنقونه ؟؟؟؟ نقوله هم مايعدمونه بدون سبب اكيد مسوي جريمه كبيره والاسلام محلل هالشي يقول لا حرام
مسكين ......

لا وعقب كل هذا اخذت ورقه امتحاني ولا هو مسقطني انا الوحيده بالكلاس

وانا عدته بعد اسبوع والحمدلله نجحت فيه وعديته والله يستر من باقي الكورس بس

وايد بنات قالولي ليش تردين عليه ترى بيسقطج وانا ودي احقره واخليه يتكلم بس علشان انجح بس مااقدر يعني
كلامه خطير واذا كل بنت اسكتت له علشان تنجح راح يتمرد اكثر وهذا اللي يضعفنا قدامهم

انا مااقصد شي من هالموضوع ولا حابه ابين اني ادافع عن شي لكن اتنرفز من رده فعل بعض البنات لانهم يضحكون عادي ويساعدونه بالكلام وهذا اكبر غلط .....

ادعووووووولي يخف علي هالدكتور وينجحني بس

تقبلو موضوعي اختكم شوق الكويت

::