نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - أم عبدالله فقط للـ VIP --- تنعش سوق الاسهم

عريب عبدالله · #18 28/03/2009, 07:16 PM

إقتباس

الرسالة الأصلية كتبت بواسطة نـــــــ15ــــــمر


	هلا بك باي وقت لنتخيل قليلا ..... مثلا ان شارون اسلم واهتدى هل تتوقعين ان الحكومه الاسرائيليه ستتركه سوف تقوم بازالته باسرع وقت ام عن هدايه اليهود والنصارى فانا اتفق معك في الدعوه ماليزيا ماذا كانت قبل 10 سنوات وماهي الان ممكن اعرف ليش يكون سبب للوراء ؟؟ يمكنه سبب في زيادهالانتاجيه ممكطن اعرف منك ايش الاسباب السلبيه في القرار هذا مع انه انا اكثر واحد مو عاجبه القرار وصرت اذا جيت الرياض اتعش لى لوزين وعلى فكره القرار هذا قلل من لفه الشباب في الشوارع اخر الليل يعني مثلا انا الحين الساعه 2 في الكثير وانا في البيت لكن اول على صلاه الفجر ] ما اقدر ازيد على كلامك شي الا انك عطرتي الموضوع باضافتك الجميله الف شكر لك تشــــــــــــاو

هلا فيني مرة ثانيه نورت الموضوع

<<أبوك يالثقه

أحس أني خذت راحتي كثيييير هنا على أعتبار الميانه

بالنسبه للدعاء حتى لو شالته الحكومة وهم الحين شالوه والمرض اللي صار له مدبر
لكن لو أنه أسلم بيسوي زعزعه للصفوف الإسرائيليه وحتى لو ما أسلم لو ربي كف بلاه عنا هذا اللي نبي
بعض الأئمه يدعي على اليهود والنصارى وأمريكا بس مع أن المفروض يدعي على إسرائيل
أمريكا فيها مسلمين ومسالمين لكن إسرائيل كلهم محاربين وعلى فكرة في طائفه يهوديه تتبع الحكومة الفلسطينيه في فلسطين
وهي ضد الإحتلال الإسرائيلي بالرغم أن أغلب اليهود أنجاس لكن الدين يمنعنا من الظلم والتعدي في الدعاء

نطمر لسالفة قرار البلديه

لأن الرياض وضعها غير الرياض العاصمه

لو المحلات تفتح أربع وعشرين ساعه
بتزيد السياحه للبلد بيكون فيه فرص عمل أكثر وربح لأصحاب المحلات مما يخلي المواطنين يتجهون للقطاع الخاص

أحنا نظام الجو عندنا مايسمح لنا بالطلعه الا بعد الساعه التاسعه مساء على ماتوصل الا هي تسع ونص
على ماتفرش وتولع الفحم الا هي 11 قبل ماتحط أول دجاجه على الفحم المنتزه طفا النور

على ماتركب عفشك السياره وتضف بزارينك وإعتراضاتهم ماتعشينا مالعبنا الا هي 12 وصك المنتزه

ورجعت للبيت متنكد من عيالك ولا لقيت مطعم تاخذ لهم عشا أو حتى بقاله تاخذلهم خبز
وأم العيال مستحيل تطبخ وهي زعلانه والكل ينام ذيك الليله بدون عشا وبدون تمشيه وبدون وناسه وبحزن شديد
ولو طبخت لهم عشى كلهم مسدودة أنفسهم من القهر حالمين بمشوي وينقلب مكرونه

طبعا كانهم من برا الرياض يحلفون مايرجعون لها حتى بحر ماعندهم ومسكرين البر بعد

نموذج ثاني الأب عسكري سخر نفسه لخدمة المواطن

يرجع البيت يشوف زوجته تبكي وش فيك
الساعه 11 وبكره زواج أخوي ماشريت فستان وشلون أحضر وأنت شايف دوامك كيف مافيه وقت
يطير بها السوق في ربع ساعه تاخذ فستان بـ2000 ريال وهو مايسوى 1500 لكن لأنه آخر الوقت ومظطره
ترجع البيت الفستان كبير تقصر منه يخرب الفستان وماتحضر زواج أخوها وأخوها يزعل وتصير قطيعة رحم بسبب هالقرار

على فكره زوجها مستأذن من الدوام والا المفروض عليه مناوبه

شلة شباب تخرجو لاجامعه قبلتهم وتوظفوا في كاشير محل بسبب القرار قلص العاملين لأنه يسكر الساعه 12
الشباب لقو حل أجمل وراتب مضمون يسطون على المحلات اللي طردتهم ويسرقونها

بينما لو صرنا بلد متحضر بتزيد السياحه بتزيد فرص العمل بيزيد دخل المواطنين المتجهين للقطاع الخاص

أما تعقيدات البلديه جرب تفتح كشك قهوه وشف قائمة الموافقات والمبلغ المطلوب والوقت اللي مسموح لك تفتح فيه

المعامله تاخذ معك فوق الشهرين وأوراق لازمة وغير لازمة وكل ورقه عشر نسخ

ولين فتحت المحل ما يغطي الأجار لأن الوقت اللي مسموح لك تعمل فيه شوي فتخسر بجداره

شكراً مجلس الشورى شكراً بلدية الرياض شكرا بلدي الحبيبه

بالنسبه للسهر إن ماسهروا بالمقهى سهروا على الإستراحة على الأقل سهرهم على البلياردو
أحسن من سهرهم في إستراحه أو شقه على شي مايندرى عنه وتجميع ناس ممكن يخربونهم

شكراً متعب على الحوار الممتع

وأعتذر على العودة مره أخرى

أمس كتبت رد وطار واليوم نفس الشي وهذا آخر رد أكتبه هنا

بالحب والإشراق