السلام عليكم ورحمة الله وبركاته,,,
كيف الزعماء ...بشروني عنكم؟!!
اليوم جايب لكم تغطية على كيف كيفكم إن شاء الله,وراح تشوفون أحداث صارت في النادي تعجبكم,,لكن إياني وإياكم واحد يطلبني صور ....
والله صراحة تمرين اليوم فلة ونار وحمااااااس منقطع النظير >>أبووك ياللغة
يعني اللي ما حضر تمرين اليوم من أهل الرياض والله راحت عليه وراح تدرون وش السبب في الحماااس اللي اليوم.
....................................................................................................
قبل ما أقلكم وش صار في تمرين اليوم أبقولكم حاجة...والله كل شئ في الهلال حلووو وحلووو مررة ...لكن حرااس الأمن اللي النادي لك عيهم شوي...والله ما يقصرون بس عليهم تصانيفمدري وش تبي....أتمنى من الإدارة تشوف حل.

خلونا في الموهمراح أسردلكم أحداث تمارين اليوم بس رجاءا لا أحد يقاطعني لإن المثل يقول ...(اقتل الرجال ولا تقطع كلامه)>>صرفلكم مثل:

1- حضور جماهيري كبير حضر التمرين ...وكان متفاعل مع التمرين بشكل كبير ..والله فلة التدريبات وأنا أكثر واحد متحمس عشان كذا أحب أروح التمارين لوحدي عشان أركز
2-تمارين لياقية افتتح بها المدرب الحسيني التدريب...لكن ما كرفهم واجد على اعتبار إن المباراة القادمة مطولة..وباقي عشرة أيام وكمان حنا في نهاية الموسم يعني ما يحتاج لياقية.
3-بعدين قسم المدرب اللاعبين الى أربع مجموعات كل مجموعة فيها ثلاثة لعيبة وكانوا يتدربون على لمسة ولمستين...وأقرب مجموعة لنا هي التائب وياسر والصويلح...وسامي وسيول والمبارك وكان فيه فلة وضحك في بين ياسر والتائب ومهارات وشغلوباص عيون وقوة تمغيط في الصويلح المسيكين.
4-بعدين كان فيه جمل تكتيكية<<والله صعبة الكلمة هذيأنا يبيلي لسان تكتيكي الموهم سووا حركات كذا والله ما أقدر أوصفها لكم صعبة شوي
5-بعدين قسمهم المدرب تقسيميتن يلعبون على باب واحد...وفاتكم أقسم بالله يا سامي سوى الهوايل في تدريب اليوم والله بدع تبديعوالله حرام عليك ياسامي والله باقي فيك شدة...وهذا السبب في إن تمرين اليوم كان ناااااااااااااااااااار ...سامي يعجبك يلعب بروح سواء مباريات والا تمرين...سامي ما يرضى بالخسارة ...يا حبي لك يا بو عبدالله.
6-بعدين المدرب قسمهم ثلاث مجموهات على ثلاثة أبواب>>يعني أقوااال
والله فاتكم والله ياسر حرث الملعب حرث ....كبير يا بوسعيد أقسم بالله كبير مهارات وتمريرات وتسديدات ولعب ...كذا الروح يابوسعيد وما عليك ممن يريد إسقاطك
والله ياشباب ياسر متحمس في تمرين اليوم وكل الفريق كان متحمس ...حتى أنا كنت متحمس<<وش يبي ذا
7-سيول جاب قووول خرااافي ...تسديدة مي صاحية والله كل اللي في المدرجات صفقوا له يستاهل أبو (كي هيون) يشد حيله واله الا اللي يرضي خاطره.
8- في تمرين الثلاث مجموعات ...سامي انفرد بالقول ...أقسم بالله كل الجمهور اللي قدامي واللي وراي يقولون سامي ..سامي ..سامي متحمسين يبغون يشوفون أهداف سامي ...لكن العمر خان أبو عبدالله...لكن أقسم بالله سامي متعنا في تمرين اليوم
حتى الجمهور صفق له بعد نهاية التمرين.
...................................................................................................
9-حضر تمرين اليوم (أمورتين صغيرتين )ما شاء الله تبارك الله...الله يخليهم لعين ترجيهم ...بس بصراحة فيهم واحد ضغيرة مشاكسة...عين عليها وعين على الملعبما أقول الا ماشاء الله تبارك الله.
...................................................................................................
وهذا يا سادة ياكرام<<كيف أصلح مقدم...هذا اللي لقطته لكم الكاميرا الطبيعية في تمرين اليوم...وأبشروووووا بالجديد...وترقبوا القادم بإذن الله .
الأسبوع الجاي كامل راح تشوفون تغطيات يومية بإذن الله.
....................................................................................................
وياشباب اللي يبيني أخدمه من النادي بشئ ما لا يرده الا الخاص
دمتم في رعاية الله,,,