الموضوع: أم عبدالله فقط للـ VIP --- تنعش سوق الاسهم
مشاهدة مشاركة بصفحة مستقلة
  #17  
قديم 27/03/2009, 06:38 PM
RO7_ALHILAL RO7_ALHILAL غير متواجد حالياً
زعيــم فعــال
تاريخ التسجيل: 13/04/2008
المكان: اللحين.؟قبال جهآزي :P
مشاركات: 388

Slumdog Millionaire
اهلين اخوي نمر
يعطيك ربي الف عافيه كفيت ووفيت من ناحية الموضوع
ماني ببعيد قبل امس هالقريب سافرت للرياض وقفلت السياره ع المفتاح وجلست من الليل للصباح عشان يفتح بتاع المفاتيح ، فتح وفتح الياره يعطيه العافيه ويوم جيت برجعه للمحل ، قالي وش تسوي تدرس ولا اعمال حره ، قلت له والله ادرس وبكلية التربية ، قالي ياخي والله انتم مساكين ارحمكم شف روحك جاي للرياض خميس وجمعه ، ومرتبط بدراسه ووجع راس ، والله لو انا منك افصل واشتغل اعمال حرّه
والله اني قعدت اطالع فيه بنص عين ، واقول بقلبي اخس يالفاشل تبي تلعب علي واترك الدراسه ، اجل لو مكاني تفصل والله تبطي توصل مكاني لو فيك خير ماتشتغل مصلّح مفاتيح
وانا ارفع له صوتي قلت والله ياحليلك وش عرفك انت الدراسه هي مفتاح كل شي وبعدين منين لي راس مال .
قالي والله لو منك اخذ رخصه مؤسسه واقدم عمال واطلع عشر تآشيرات وباسبوع بعهم ويطلع لك ميه الف اذا تأشيرتك من دوله مش ولابد، وميه تسوي فيها اللي تبي .
والله انها طارت بوهتي ولا اخفي عليكم اني قاعد افكر اترك دراستي وخاصتن اني ما احب الارتباط ابد
ورجعت اقول بقلبي اجل هذا ماشاء الله عليه مصلح مفاتيح وكذا ، الله يفتح له باب رزق دام تفكيره كذا وصاحي ، واغلب كلامه بالاحاديث النبويه ماشاء الله عليه والله انه اطلق مني
يعطيك العافيه حبيبي نمر