السلام عليكم ..
آسف لتأخر الرد ..
ما شاء الله عليك عشرة من عشرة ،، فيه تخصصات ترجمة ولغويات وغيرها ،، بس الوزارة تطرح التخصصات الي ترغب الابتعاث عليها .

والله اذا تبغى الرأي الشخصي حلو انك تدرس شي جديد ،، مختلف عن البكالوريوس وللمعلومية اذا كان التخصص في الماستر يختلف عن البكالوريوس تأخد كورس قبل الماستر يسمى Graduate Certificate في التخصص الجديد تدرس فيه بعض المواد الاساسية للمرحلة المطلوبة ومدته تختلف من جامعة لاخرى مابين (سمستر) أو (اثنين) ..
أما تخصص ادارة اعمال صراحة من التخصصات المرغوبة عندنا في السعودية والتي مازال سوق العمل محتاج لها ..

اختبار الايلتس تقدر تختبره في اي مكان واذا تبغى الطريقة عليك بزيارة الموقع http://www.ielts.org/
ادخل اسم الدولة من خلال الايقونة في الاعلى يمين الصفحة ويطلع لك المدن اختر المدينة ويفتح لك على موقع الاختبار وطريقة التسجيل فيه .. سهله مرررة .. وغالب الجامعات تطلب 6.5 فيه ..
أما التوفل والله ما سبق لي اي تجربة ،، انا انصحك بختبار الايلتس _ باذن الله _ انك قادر على الدرجة المطلوبة .. وللمعلومية فيه بعض الجامعات تقبل في التوفل أو لايلتس ..
يعني على حسب القبول الي عندك بالاصح على حسب الجامعة ونظام القبول فيها ، وتقدر تحصل جامعات تعطيلك الخيار أما الايلتس أو التوفل أو خيار ثالث وهو أن تدرس كورس أكادمي عندهم لمدة معينة ..


أما عن مدة الكورس الي قلت لك عليه يتراوح مابين 10 الى 12 اسبوع ،، وهوبرضة على حسب نظام الجامعة وتدرس فيه نظام الجامعة وطريقة اعداد البحث وبعض المصطلحات الاكاديمية في التخصص ، وطريقة تسجيل المواد في الجامعة .. يعني مفيد بشكل كبير ..
بعض الجامعات تشترط له درجة معينة في الايلتس أو التوفل ..

أرجو أن أكون جاوبت على اسئلتك .. ويمكن تحس ان الموضوع شوي كبير ومعقد لكن لا تشيل هم توكل على الله وقدم وبمشيئة الله الامور سهلة .. وتتضح لك بعدين ..

الله يوفقنا وإياك ..
ويامراحب اذا كان عندك أي سؤال لا يردك الا الكي بودر ..