السلام عليكم ورحمة الله وبركاته ..
يـآجمـآعة الخير ألحين الواحد لو يدخل بمنتدى الجمهور الهلالي بيشره علينا
ويقول هذولا اللي يشوف مواضيعهم يقول ان فريقهم طالع من المنافسه على جميع البطولات
وماعندهم شغل الا الكلام عن الانديه الاخرى او النقد الجارح للاعبي فريقهم
او اعادة اسطوانه رحيل كوزمين
----------------
* فريقنا داخل مرحلة حسم وصراع قوي على أقوى بطولتين في هذا الموسم
هي بطولة الدوري الممتاز للمحترفين السعودي وبطولة كأس آسيا
وأغلب مواضيعنا :
فلان قال علان رد عليه وقال
ماعلينا منهم ياجماعه خلونا نخلي مجهودنا مع لاعبينا
وندعمهم بالوقت الحالي
ونشد من أزرهم
خلونا نملى الملاعب عن بكرة أبيها
وربي انهم إذا شافونا واقفين مع فريقنا ينغبنون زياده
وإذا وقفنا مع فريقنا باذن الله اللاعبين ماراح يفشلونا
اما اللي يتكلمون عن الهلال ونجومه ورموزه
فهؤلاء حمقى مغفلين مجانين وسفهاء
مايكفيكم قول الشاعر :
يخاطبني السفيه بكل قبح .
فأكره أن أكون له مجيبا .
يزيد سفاهة وأزيد حلما .
كعود زاده الاحراق طيبا.
ومايكفيكم قول الآخر :
قل ماشئت في مسبتي .
فما أنا عادم الجواب
ولكن مامن أسد يجيب الكلاب
ياجمهور الزعيم
أطلقوا عليكم الناس إسم نادي العشاق
فهل هذا فعلاً إسم على مسمى او انه مجرد هياااط ؟؟
انا أقول إن الاغلب يهايط بس
ولو تقول له بتحضر مباريات الهلال القادمه يقولك لا والله عندي اشغال مقدر اروح للملعب
وهو بس بيجلس بالبيت ويعسل ويشرب الشاهي
ويهاوش على اللعيبه من ورا التلفزيون
ويجي بالمجلس ويهايط ويقول نادينا نادي العشاق ....؟؟؟؟
وين العشق اللي تتكلم عنه
خلك مع فريقك بجميع الاحوال
يعني معقول تتخلى عن عشقك ؟؟
اذا معقول اجل اسمح لي اقولك ماتدري وين العشق معه
جماهير الزعيم الوفيه
اقترب وقت الحصااد
خلونا نوقف مع الزعيم في كل مكان وكل زمان
وبصرآحه انا عندي إحساس إن الدوري للزعيم باذن اللي ماتنام عينه
بما ان الظروف كلها ضده وكل العالم واقفه ضده الا جمهوره فأنا أطبق قول الشافعي على هذه الحاله
يقول الشافعي :
ولرب نازلةٍ يضيق بها الفتى
ذرعاً وعند الله منها المخرج
ضاقت فلما استحكمت حلقاتها
فرجت وكنت أظنها لا تفرج
صحيح اجتمعت علينا الظروف والمصاعب
ولكن بوقوفنا خلف اللاعبين والاداره باذن الله قادرين اننا نشيلهم من اللي هم فيه
وانا متأكد ان اللاعبين ماراح يخيبون الظن
وبيخلونكم تستمعتون بالمشاهده
يالله ياجماعه حطوا يدكم بيدي وخلونا نوقف صف واحد مع الزعيم
أنتم معي ؟؟؟؟
