مشاهدة مشاركة بصفحة مستقلة
  #3  
قديم 17/01/2004, 12:23 AM
رموز الهلال رموز الهلال غير متواجد حالياً
زعيــم نشيــط
تاريخ التسجيل: 22/06/2003
المكان: السعودية
مشاركات: 747
بصراحة موضوع روعة وغير كل المواضيع الانفعالية اللي طاشت بعد المباراة مباشرة.

الخسارة في هذه المباراة بالذات ما يتحملها المدرب مباشرة لان الهدفين اخطاء لاعبين فردية وسوء تغطية وممكن تصير قدام اي فريق بس لانها قدام النصر صارت فضيحة.

بس اسمح لي اختلف معك في نقطة انو خطة اديموس ما استوعبوها اللاعبين وهو مصر عليها.

يعني اخوي مسافر الجهة اليسرى امس مشلولة تماما بسبب تشكيل اديموس فنواف واضح انه مو جاهز يلغب مباراة كاملة ويلعب في غير مركزه.

الحربي يلغب في غير مركزه.

ما فيه غير سيسيه فاهم الخطة هو والدوخي عشان كذا كل شغل الفريق وخطورته كانت من اليمين.

خطة اديموس تبغى لياقة خيالية من لاعبي الوسط وبالذات الثلاثي سيسه والحربي ونواف ولياقة نواف والحربي كانت سيئة وعشان كذا الجهة اليسرى كانت مفتوحة دفاعيا لانه ما فيه مساندة للخثران. وبرضو بسبب ضعف لياقة الحربي ونواف المساندة الهجومية لتراوري كانت ضعيفة وكان وحده بين 5 مدافعين.

وبسبب ضعف عنصرين(نواف والحربي) واجهاد الغامدي كان الفريق مفتوح في نص الملعب ولو كان فيه فريق غير النصر كنا اكلنا هوا بصراحة!!

رغم كذا الهلال ظهر ووصل وصنع فرص لان النصر بصراحة تعبان جدا عناصريا واعتمد على استدراج الهلال وارسال كور ساقطة خلف المدافعين لاستغلال سرعة البيشي وبطء سليمان والمفرج. ونجح النصر في الفوز رغم عدم تقديمه لاي مستوى.

اللي ابغى اقوله كيف اديموس يلعب بحذر قدام الوحدة والخليج ويفتح الملعب بالشكل ذا قدام النصر!!

وبعدين اذا العناصر اللي معك ما استوعبت خطتك يا اديموس غيرها وليه تصر عليها.

ليه يصر على راس حربة واحد والمساندة من الخلف ضعيفة جدا!!

ليه وليه وليه من 14 مباراة يا مسافر مو مباراة وحدة.

تحياتي يا مختلف.