المحلات النسائية ,,!!
السلام عليكم ورحمة الله وبركاته اعود لكم بعد غياب طويل عن الشبكة بل عن النت كلـــه  ^ ( لا والله ماله داعي تصفقون ,, كذا احراج ورب البيت  ) طبعا البعض منكم الذي لا زال يتذكر اسلوب كتابتي يتساءل أين ذهب الاسلوب ,, فاقول لكم انه تم فتح المظاريف وطلع عرض الاسلوب العادي اكثر بمبلغ 15 مليون وشوي ,, ^ صح يا عيسى اتذكر من زمان انه طلع قرار ان محلات الملابس النسائية تديرها نساء ولا يسمح بدخولها الا النساء ,, بصراحة انا ما ادري ان كان القرار طبق والا لا,, بعضكم يتساءل وش جاب هالموضوع في راسك,,؟ يا طويلين الاعمار امس رحت مع خالتي حفظها الله,, (طبعا اخوكم في الله بزر يعني لا تكبرونه)  دخلنا احد المحلات المتنوعة الاغراض ان صح التعبير ,, والمحل هذا كبير وكله اسياب ,, المهم ,, بينما انا امشي مع خالتي حفظها الله الا واشوف الاشياء حقت العرض اللي يعرضون عليها الملابس النسائية ,, واشوف ملابس محتشمة ولله الحمد ,, وانا قاعد امشي مع الخالة الا وانا الاحظ شي,, كل شوي الملابس اللي على ادوات العرض تقصر ,, تقصر ,, تقصر ,, حتى وجدت اداة عرض ما عليها شي في اخر السيب ,,<_ لا ياشيخ فما كان مني الا ان ارفس خالتي حفظها الله وانسحب بهدوء ,, فبعد هذه الحادثة تذكرت القرار اللي صدر او الفكرة اللي اقترحت لا اتذكر بالضبط ,, يعني حسيت ان الفكرة لازم تطبق ,, يعني صراحة هذا منظر ما يعكس منظر السعودية [المتحفظ] ان صح التعبير,, واحد فيكم بيقول وش جابك اصلا لهالمحل وقعدت تناظر,,؟ قلت لكم المحل متنوع الاغراض,, ومابين القسم الرجالي والنسائي فاصل,, طيب بتقولون ليش قمت ناظرت في ذيك الجهة خصيصا ,,؟ صراحة كنت ادور القبلة,, ^ (ما يعرف يصرف) بينما لو فكرت بالسلبيات ,, كأي رجل,, او حتى انثى (تخاف ربها) ,, سترفض الدخول في محل مغلق بحالها ,, فلا تدري فيه كاميرات ,,؟ داخل موجودين رجال ,,؟ او اي سبب ثاني ,, .:[:: اسئلة ::]:. س: ما رأيك بفكرة نسوءة المحلات النسائية ,,؟ <_ على وزن سعودة س: هل ترى ان هناك مميزات او سلبيات اخرى لم اتطرق لها في الموضوع ,,؟ س: هل ترى ان هناك اقتراحات افضل لحل المشكلة ,,؟ س: اشتقتوا لي صح ,,؟ مـــوٍدتيّ ,,   |
