نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

R D H · #185 20/03/2009, 04:42 PM

إقتباس

الرسالة الأصلية كتبت بواسطة كـت كـت


	السلام عليكم سين سعال الحين الواحد لو يبي يستعد لإختبار القدرات , يذاكر الكتاب الي منزلينه الوزارة ويكفيه , لأني أبي أستعد صح وإختبر مره وحده وأفك عمري من غثاهم واللي إختبر قدرات ياريت يفيدني وش ذاكر والسعال الثاني متى مواعيد الإختبار التحصيلي , فرفرت فيه موقعهم ولا لقيت شيء , وأنا سمعت إنه عادي تختبره بعد الثانوية , هو صح ولا لا داري إن غثيتكم بذي القدرات بس لسى ما شفتوا شيء

السلام عليكم ورحمة الله وبركاته

أسمع كلامي خلك من رابط ولد عنزه

يقولك أسأل مجرب ولا تسأل دكتور

شوف يالغـالي .. القياس يعتمد اكثر شي على الذكاء والتركيز ..

يعني لو كنت دافور ( لاحظ أني قلت لو

) .. لا تحسب أنك رح تاخذ علامه ممتازه في القياس ..

لأنه القياس ما يعتمد على المناهج .. وممكن تلقى طالب دافور .. جايب العيد بالقياس .. والعكس صحيح ..

لذلك الكتاب حق القياس اللي تشتريه .. هذا مافيه معلومات .. تحفظها وتروح تختبر فيها زي المناهج .. لا لا ..

هذا مجرد يقولك على طريقة الأسئلة .. وأنت لو فهمت طريقة الأسئله .. ( وهي كم طريقه بس ) .. وكنت ذكي .. رح تتوفق ان شاء الله ..

يعني مثلاً يجيبلك قطعه طويلة .. وأسئلة عليها ..

وأنت عليك تجاوب على الأسئله من القطعه .. طبعا يبيلك تتدرب عليها وتحلها أكثر من مره في الكتاب اللي شريته انت ..

لأن الوقت قصير جداً في الاختبار .. يعني 6 اقسام .. والقسم الواحد مدته تقريبا 25 دقيقه .. ويكون فيه تقريبا 26 سؤال او أقل بسؤال أو سؤالين .. يعني يبيلك تدرب حالك أنك تقرأ السؤال بسرعه وتجاوب على كل سؤال بـ دقيقه ..

أتمنى أكون أفدتكـ ..

دمت بأجمل حال