يااخي ابو راشد انت تقول ان المنع عن الكتابه لكل الأعضاء
ومن قال أني قلت ( كل الاعضاء حالياً ) ممنوعين ..
راجع الموضوع الرئيسي ..
راجع ردودي ..
راجع عنوان الموضوع ..
وبتعرف ..
وبالنسبه للتبليغ عن المواضيع الشاذه اللي تقول عنها فمع احترامي لك هذاا موضوع عادي مو عمل ارهابي وشيك عشان ابلغ عنه
اتضح لي أنك ما مريت على الضوابط والشروط ولا تعرف وش تكون ( أيقونة التبيلغ ) ..
سؤال بسيط : ( تحرير موضوع في منتدى غير مخصص له ) وش يعني لك هذا الكلام ؟
الكلام هذا يا استاذ ( يعتبر مخالفة ) ولابد من معالجتها والمخالفة تستحق التبليغ يعني التبليغ مو للمواضيع المشبوهة فقط
يا عزيزي التبليغ للمواضيع ( المخالفة ) ككل وفيه فرق بين ( المواضيع المشبوهة ) و ( المواضيع المخالفة ) ..
وفي نفس الوقت انا ادخل المنتدى عشان اقرأ واكتب وأناقش مع الأعضاء ومو مهمتي اراقب مواضيع الناس وابلغ عنها الا في حاله وحده ( اذا صار الموضوع فيه تعدي واضح على الدين او قذف لأحد المسلمين او سب وشتم للدوله ورموزها ) فقط .
اخوي ..
إدارة المنتدى وضعت هذه الأيقونة للتبليغ ..
فـ إن بلغت عن أي موضوع فلك الشكر ..
وإن لم تقم فالامر عائد لك ولست مجبوراً على ذلك ..
لكن أنا وضحت لك أن المنتدى يوجد به ( خاصية التبليغ ) ..
ولم أجبرك على ذلك .. وهناك فرق ..
يابو راشد من الظلم انكم تحكمون على انسان بتقييد حريته بدون ذنب يذكر وتمنعونه من الكتابه وهو مابدر منه اي تصرف خاطيء ولا عمره كتب اي موضوع مخالف للأنظمه والقوانين بس لمجرد هذاا العذر ( تقييم المواضيع قبل عرضها )
عزيزي ..
هذه وجهة نظر ومأخوذة بالاعتبار ..
وفي الأخير حبيت اسالك يابو راشد عن ردي اللي طلبت فيه من احد الأعضاء اللي عنده امكانيه الكتابه ان ينسخ موضوعي ويحطه في منتدى الهلال عشان يوصل لسمو الامير رئيس الهلال .
هل تم حذفه ؟ وليششششششششششششششششششششششششششش ؟
على فكره ترى مافيه شي يخالف الانظمه يابو راشد عشان تحذفه ومن حقي اطلب من اخواني الاعضاء يخدموني ويوصلون صوتي لسمو الامير .
أولاً .. أنت طالبت من خلال ردك ( أن أي واحد يفزع لك ) ويوصل صوتك من خلال إضافة موضوع في منتدى الجمهور ..
السؤال المهم ..
مواضيع كهذه .. منتدى الجمهور يستقبلها ؟ لا يا عزيزي فمنتدى الملاحظات والاقتراحات هو المنتدى المناسب لهكذا مواضيع ..
ثانياً .. الردود في هذا الموضوع لـ الإستفسارات و لتصحيح بعض المفاهيم لا إستقبال ( طلبات كتابة المواضيع ) ..
ثالثاً .. انا من حذف ردك ..
