اشوف انه من الافضل للنادي استمرار خواندي الموسم القادم .. بيكون عارف للفريق سواء من خلال نقاط القوة او نقاط الضعف وبالتالي معرفته التامة بحاجات الفريق من تعاقدات ..
خصوصاً لو شفنا ان الخيارات المطروحة قليلة .. مثلاً الكلام عن مورينهو .. ما اتوقع ولا واحد بالمية ان موراتي يبي يفرط فيه وهو اللي اضطر انه يلغي عقد مانشيني عشان مورينهو وبالتالي المبالغ اللي دفعها لمانشيني بعد الغاء عقده صعب جداً ان موراتي يدفع مثلها وبعد موسم واحد لمورينهو .. وهو اللي جابه عشان الابطال وما نجح هالموسم .. عشان كذا اتوقع صعب جداً وجداً وجدنات بعد اننا نشوف مورينهو بعيد عن الانتر ..!
بينتيز صعب ان الليفر يستغنون عنه وكاني منب غلطان ان الاخبار الاخيرة اكدت ان الملاك مجددين له وفق الشروط اللي يبيها هو ..!
الاسماء الثانية ما اشوف انها تغري لهذيك الدرجة .. !
خواندي شفناه من يوم جاء للريال ووضع الريال متحسن حتى اللاعبين انفسهم يأكدون هالشي ..! خصوصاً بالنسبة لخط الدفاع تحسن بكثير ..!
اذا منب غلطان حتى ان هاينز مصرح بعد ما جاء خواندي بفترة انه يبين لهم الاخطاء اللي وقعوا فيها بالمباريات ويصححها لهم .. وهالشي ما كان يسويه ابو المتعة شوستر ..










وفوق هذا محتاجين الاستقرار .. ومن ضمنها استمرار كنكن .. اكبر غلط اشوفه انه يطلع من الريال !!
عقده اذا منب غلطان ينتهي هالموسم .. والادارة الحالية مابيدها التجديد ولا شي .. واللي اشوف انه من المفروض انه يكون هناك استثناء لبعض الحالات مثل تجديد عقود بعض اللاعبين والا المدرب هذي مفروض تستثنى لانها من صالح النادي في الاساس .. وحتى كنكن بنفسه مصرح اكثر من مره انه مرتاح بمدريد وحاب انه يكمل مشواره معهم .. حتى لو نشوف وضع كنكن من ناحية تنظيم خط الدفاع وبرضوه وجوده مع بيبي مشكل خط قوي ..!
اللي محتاجه الريال هو ظهير يسار مثل الناس خصوصاً اننا نواجه مشكله بهالخانة .. لا هاينز ينفع كثيرة اخطاءه وهفواته .. ومارسيلو بطل لكن مشكلته انه من ناحية وحده اللي هي هجومية .. لكن كـ دفاعياً فهو بالتأكيد ضعيف ..










؟؟؟!!!


لازم يراجع نفسه ويشوف مستواه وشلون طايح .. ما انكر انه اعجبني شوي قدام الليفر واكثر قدام بلباو لكن مهوب هذا هو خوينا الاولي .. مدري وش سالفته كل هذا عشان خويته وصار وحداني والا وش القصة ؟؟! مستواه نازل بشكل يروع بالحيل ..!








بالنسبة لحظوظ الريال بالدوري .. ما اقول انها مستحيلة ولكن فيها صعوبة شوي .. خصوصاً ان البارسا مدهرين لا الله ابوهم .. صحيح لو جاء الدوري منب قايل لا .. لكن حتى لو ما جاء منب متحسف عليه .. كل اللي ابيه من الفريق << كأنهم دروا عنك الحين والا طقوا لك خبر .. كل المطلوب منهم انهم يلعبون بمستوى مثل الناس .. ما نبي لا هزايم ولا قرف ومستويات مثل قدام الليفر .. نبي نشوف منهم مستوى وبس ..














يا صاحبي الله يردك على خير ... قلب(ن) يحبك لا تزود عذابه
أرجع ترى لك كل حب(ن) وتقدير ... ومن لا يعيش الحب يرجي سرابه
وين أنت ..؟ عني ماخذتك المقادير ... شف حال من بعدك عنا الوقت صابه









برايفت zizo4ever ..
انت مشترك عند ليالي العرب ؟؟!!