| بالله هذا الهلال زعيم آسيا ،، يعني أول مباراة لك في البطولة وتكون على أرضك وتتعادل مع الفريق الضيف ،، المشكلة مو في النتيجة ياليت ياليت شفنا هجمات وفرص ضائعة عشان نحس ان الفريق لايرضى إلا بالفوز ،، الشوط الثاني كله ولاهجمـة ولافرصة هدف شفناها إلأا من سول آخر لاعب أتقع إنه يجيب هدف وكانت بآخر المباراة وبالصدفة أما باقي الشوط كله ولا فرصة هدف ولاصناعة هجمـة وتبـاعد بين خطي الوسط وخط الهجـوم يعني تشوف ياسر وويلهامسون والصويلح بعد مادخل كلهم على خط منطقة الجزاء وفي خط واحد يعني يستون الكورة لين ماتجيهم والله قهرر هذا أول مباراة أهم مباراة الخطوة الأولى المهمة وفوق كذا في أرضنا ونتعادل !!
بعدين خلك من هالكلام هذا بالله مستوى فريق الهـلال زعيم آسيا في أول مباراة له في بطولة آسيوية وعلى أرضه ؟!! ياربي صبرك بس على بعض اللعيبة اللي حرام أقسم بآيات الله يلعبون بإسم الهلال زعيم آسيا بيحطموا آمال وطموحات وإستحقاقات الهلال وألقابه اللي يدافع عنها إلى متى وحنا مانقدر نتعدى دور الـ 16 إلى متى إلين يجي فريق كوري وإلا ياباني ويتعدانا في عدد البطولات .
يالله خيرة بس ،، أتمنـى مانتحطم المرة هذي بعد ومانقدر نتأهل ونواصل للأدوار المتقدمة ووحنا زعماء آسيا وربي حراااام .
وألف ألف ألف شكر ياأسامة على هالمستوى الرائع اللي قدمتـه اليوم والله بردت كبدي اليوم ياابوهوساوي إلى الأمام ،، بعدين الفريدي لا جديد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ماابي اقول شي بس ،، والمرشدي مش ولابد من زمان وانا اقول .
بعدين بعض الجماهير اللي ماحضرت للملعب وقاعدين يتابعون المباراة بالتلفزيون وبيالة شاهي جاية والثانية راجعـة وماعنده أي عذر لعدم الحضور يبغى لهم قرصة أذن ،، ولا يقولون الحمدلله إنا ماحضرنا لاحبيبي مباراة الاهلي الإماراتي الجاية ولاأحد يغيب .
اخر تعديل كان بواسطة » حاكم المطيري في يوم » 11/03/2009 عند الساعة » 10:53 PM | 