إقتباس المعلمين اشغلونا وصجوا روسنا ليل نهار بلا قيمه وفائده.... كل ماناقشنا معلم قال 24 حصه تدري ايش معنى 24 حصه باسبوع... المعلم زعلان انه يعمل 24 حصه بالاسوع الحصه 45دقيقه×24=18 ساعه فقط خلال اسبوع بالله كم يستحق الراتب 18 ساعه اسبوعيا...... و دوام تحت مكيف وعلى كرسي وجنبها اللابتوب يدخل ماسنجر مع ام العيال انا ارى ان العدل ان ياخذ 3 الاف ريال ودون زياده

كل المطلوب منك انك تمسك اخوانك الصغار .. وكل واحد لحاله وتدرسه نص ساعه بس !!
بعدها تعال وقلي المدرس ما يستاهل الا 3000 !!

كثير من الناس يتساهل بوظيفة المعلم ..!
لكن مجرد ما يدرس عياله والا خوانه الصغار ليوم واحد ينهبل .. فما بالك بتدريس الطلاب كلهم في 45 دقيقة بس !!
وامامك منهج كامل ملزم انك توصله للطلاب كلهم !!
الكلام سهل ( مهوب مشرفنا ) لكن التطبيق صعب وصعب جداً وجدنات بعد !!
انا ما ابي الا اللي يتساهل بـ 24 حصه ابيه يمسك بس 12 حصه !!

المدرس كمهنة يشوفها الواحد سهله وانواع سعة الصدر .. لكن مجرد ما يخوض بمعمة التعليم والتربية يبي يعرف ليش نطالب بحقوقنا !!
وبعدين المدرسين ما طالبوا الا بحقوقهم .. النظام عندنا يقولك تستاهل المرتبة الخامسة لكن يعين على المرتبة الثانية !!
ما طالبنا بزيادات ولا ظالبنا ببدلات ولا شي كل المطلوب حقنا وبس !!

وبعدين عطني ما يجي للجندي من رخص من قايده وللمعلومية ما تخصم من رصيد اجازاته .!
وبعدها قلي تقارن نفسك بالجندي اللي يوقف بالشمس بعز الظهرية ؟!
ما اقول ان دوامه سهل .. صعب لكن كم يوم يمسك ؟؟! شف كم يستلم من ساعه وشف كم يسلم من ساعه وبعدها قارنها بالمدرسين !!

إقتباس وراتب المعلم مع راتب الطبيب......الذي يتحمل الالم واوجع المرضى صغارا وكبار وراتب المعلم مع راتب المهندس الحكومي....

وليش ما تقول قارن راتب المدرس اللي يتعب في تربية وتعليم عيالنا ..!
ليش ما تقول قارن راتب المدرس اللي كثير من الاهل ملقين عليه مسؤولية عيالهم سواء من الناحية العلمية والا التربوية !
ليش ما تقول قارن راتب المدرس اللي يتعب في تنشئة عيالنا التنشئة الصحيحة !!