نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

عريب عبدالله · #4 08/03/2009, 08:22 PM

بالنسبة لجيلي هو الجيل المتوسط بين اللي يدف السيكل وجيل البلاي ستيشن

يعني من جيل كمبيوتر العايلة

وماريو أحس طلع غبار مع أسم اللعبة

أكثر شي أذكرة من طفولتي دبابي الأحمر اللي تو أبوي شارية لي وكسرة ولد عمي

صح عوضني أبوي بواحد جديد بس الأول ما تهنيت فية

أكيد ولد عمي نسى أنه كسر دبابي لأن الأمر مجرد حادث

بس انا مانسيت

طبعا أنا من 1406 يعني مخضرمة عشت الجيل القديم والجديد

بس أحس أن جيلي متوفر لهم كل شي يبونة لكن شي واحد محرومين منه الشارع

سمعت أنهم كانوا يلعبون في الشارع وسعة صدر

أنا من الجيل اللي ما عرف أن فية شمس الا لما دخل المدرسة كان مصكوك علينا في البيت

وما نطلع الا مع أهلنا وحتى البر لاتلعبون بالتراب تتوصخ ملابسكم

كل شي عندكم ليش تلعبون برا يجيكم الحرامي,أم السعف والليف,العبد المدهن,حمار القايلة
وانا مصدقين أن هالمسميات موجودة

كان عندنا عرايس كثيييييييييييير ومواعين والعاب البنات المعروفة

ذكريات باربي وعفشها ملابس وسيارة وبيت ...الخ
ويالله كلها دبل لأننا بنتين ومن نشوف شي عند بنات عمي شرينا مثلهم
ومن يشوفون شي عندنا شروا مثلنا والله البزران قلق

كل ماشفت فلة ملحقاتها تذكرت هبالنا أول على الباربي

للأسف أن جيل الباربي وفلة مساكين لأن الرجيم ذبحهم عشان يطلعون مثل باربي رشيقات

فقدوتهم صارت باربي عشان كذا مجتمعنا أكثر البنات اللي فية نحيفات

وين البنات يتذكرون أيام العرايس ولعبة الحريم <<ماادري وش نحس فية على هاللعبة

صدقني عيال هالجيل مساكين محرومين من متعة الحرية وما يذوقونها لين يصيرون مراهقين
ساعتها ينطلقون بقوة نحو التحرر من البيت والأنطلاق في الحواري والمقاهي والإستراحات

خذت راحتي في جيلنا ولا زلت عند رأيي أن الجيل القديم حياتة أحلى

بالحب والإشراق