الله يوفق اللي بيسويها، لكن إن جينا للحق ... الجماهير ما جت بطقم الهلال (وقاعدة تقول أن سعره غالي) تجي بطقم رومانيا؟ (على قولة واحد، نبي 70 ألف كلهم رومانيا!)

كوزمن مدرب أحدث نقلة نوعية في الكرة السعودية، واللي ينكر هذا يغالط ما يقره حتى الخصوم، لكن نصير واقعيين شوي ... لو أنه جايب لنا كاس آسيا، أو كاس العالم، وش كان ممكن نسوي؟

وحنا عشان طرده، قعدنا نبي نقول "أرسلوه بطيارة خاصة ومعه وفد، ونقيم لقاء صحفي ونخلي القناة Sport.ro توثق الحدث، ونبي 70 ألف كلهم بأطقم رومانيا" ... ويييييييين؟!

لو أنها بكوزمن (ولو أني مستكثرها حتى بأمثال بفيرغسن ومورينيو وفينغر) بس فداه، لكن هذا كله هل هو حب فيه أم كرهاً في سلطان بن فهد؟ يعني نبي نقهرك وبس؟