نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - الأمير سلطان بن فهد طيب القلب .. فلا تظلمه أنت وياه (يعني وقفوا عن حدكم ) ..!

المـشـاكـس · #158 01/03/2009, 05:56 PM

آآآآآه يا سلطان

( انت مهوب صاحبنا )..
يلعن ام الغبنة .. يلعن ام القهر .. يلعن ام الحقد ..

في حياتي ما حقدت على شيء .. وانت تعرفني ..
بايع امها بريال .. ودايم اقول ان الدنيا ما فيها شيء يستاهل نزعل عليه

..

لكن ورب البيت بحياتي ما حسيت بظلم زي كذا ..
تمنيت والله ان كوزمين طلع وقال " انا متعمد " .. كان على الاقل بأكرهه واحقد عليه ..
ويصير الموضوع عادي جدا .. اقالوه والا لعنوا خامس خامسه .. بالناقص ..

لكن مشكلة لما يكون عنك واحد " ينبلف " .. والمشكلة الاكبر لما يكون هالواحد ماسك منصب ..
يعني على بالهم هالحين اخذوا حق ولي العهد من كوزمين ..
والا كوزمين ندمان هالحين انهم اقالوه من الدوري السعودي .. شوي شوي يالدوري الايطالي حرمتوا كوزمين متعته

..

مافيه حتى مناقشة للمدرب .. يمكن بلحظتها ما جاء في باله لا الامير سلطان ولا غيره ..
لحظة غضب .. وفانيلة لبسها عشان التتويج .. راح التتويج .. فصخها .. وانتهينا ..
اسألوه .. اذا اصر انه مهوب مخطيء .. اقيلوه واقيلوا ابو جده ..
اعترف بخطأه واعتذر .. عاقبوه بأي عقوبة ( تغريم , توقيف اي شيء ) ..
لا تحسسوني انكم ما عندكم الا نموذج قرار اقاله مكان الاسم فيه فاضي .. كتبتوا اسم كوزمين ووقعتوا عليه

..

مشكلة وربي مشكلة هالاتحاد السعودي

..

ولو اني اعرف ان الهلال يشتغل صح تحت الضغط ..
الا ان نص القهر اللي انا حاس فيه بسبب هالادمي ..

ورب البيت الصورة هذي تحسس الواحد بمدى المشكلة بعد رحيل كوزمين

..
لكن .. اسأل الله ان يعطيك على قد نيتك يابن مساعد

..

ولو اني ودي اقترح عليه اقتراح ..
افضل من يقود الهلال في المرحلة القادمة هو شخص له نفس تكتيك كوزمين ..
وافضل من يعرف التكتيك القريب من تكتيك كوزمين هو كوزمين نفسه ..
لذلك .. اتمنى انهم يستشيرون كوزمين في المدرب القادم ..
وحسبي الله ونعم الوكيل

..