السلام عليكم ورحمة الله وبركاته :

صباحكم فل وياسمين وبطولات ...
صباحكم انقى من كل العبارات ....

ساسرد لكم كل شي باختصار وبنقاط متفرقه لكي تكونو بالصوره وتعيشو معاي اجمل لحظات العمر من المدينه المنوره للرياض .

* اول شي صحيت الساعه 11 الصباح وافطرت مع امي العزيزه واتصلت على صاحبي النصراوي لانه يعمل بالرياض واختار ان يرافقني رغم انه يملك حجز Ok طيران ومريته على الساعه 11:50 تقريبا ... ولكن المصيبه والكارثه ان جميع المحطات اغلقت لاداء الصلاة والبنزين لايكفي مما جعلني انتظر حتى الساعه 1:40 دقيقه عندما فتحت المحطه بعد طووووووووول انتظار .

* مشينا تقريبا 2 ظهرا ولكنني لكي اتمكن من الوصول للرياض وللاستاد بالتحديد يجب علي ان اسير بسرعه جنونيه وهذا ماحصل ... حيث انني طوال الطريق وانا ماشي 200 رغم سوء الجوء وعدم وضوح الرؤيه .

* وصلنا ولله الحمد الرياض 6:30 تقريبا في زمن قياسي جدا جدا وكان محفول بالخواطر وحتى الان لا ادرري كيف وصلنا سالمين ولكن الحمدلله .... وكلووو لعيون الهلال يهوووووووووووووون .

* صلينا المغرب والعشاء بالملعب وقصينا التذاكر ومقاعدنا محجوزه عند بوابه 20 والبركه بالزملاء .

* حضرت للهلال مباريات كثيره ولكن حضي السئ انني كنت من الجمهور الهلالي الذي حضر مباراة الدوري قبل العام بالرياض ,, وحضرت مباراة الوحده الاماراتي ,, وحضرت نهائي بوساكا الشهير ,,, مما جعل جميع اصحابي يطلبون مني عدم الحضور لنهائي اليوم ولكن لانني كنت حريص ومصر على الحضور لازف الهلال لاول نهائي في حضرتي في درة الملاعب والحمدلله تحقق الحلم وزفيت الهلال بالدموع .

* مع نهاية المباراة جلست ابكي كالطفل فرحا بالفوز وفرحا بالكاس وفرحا للمفرج الذي ظلمناه كثيرا وانا اولكم ... وشعرت بظلم اصحابي لي حيث نسبو هزائم الهلال بالمباريات المصيريه لي وانا المشجع الذي كان المطرقه والسندان .

* صفق جمهور الهلال العظيم لفريق الشباب بعد استلامهم الميداليات الفضيه على طريقة جمهور الملكي ريال مدريد ... ونالت استحسان لاعبي الشباب الذين اعتقد انهم تاكدو ان جمهور الهلال غييييييييييييييير بكل شي .


* عندما انتهت المباراة واحتفلنا مع اللاعبين نزلت للملعب بعد ان استذكيت على منسوبي الاستاد ونزلت مع اعضاء جمهور الشباب بعد نهاية المباراة وفراغ المدرجات من الجماهير وذهاب الاغلبيه العظمى من رجال الامن ,,, وذهبت للباص الذي سوف يقل نجومنا الى المقر الرئيسي بالعريجا .

* وجدت هناك مايقارب العشرون مشجعا من انصار الزعيم كانو بانتظار عرسان الليله لتهنئتهم والتقاط الصور معهم .

* انا بصراحه كنت انتظر الاسطوره ابو عبدالله عشان ابي اتصور معه بس المشكله ان جوالي مع خويي النصراوي وانا من صفر الحكم مدري انا وين رحت من الاحتفال .

* قبل لايطل الاسطوره علينا قلت لرجل الامن انا بس ابي اتصور مع سامي ... جلس يضحك وقال خير ان شاء الله .

* جاء سامي وانا مو مصدق رحت وسلمت عليه رغم الزحمه وقلت له انا جاي من المدينه عشانك يابوعبدالله وابتسم سامي ,,, وكلمت واحد ما اعرفه وصورني معه وراح سامي وركب الباص ,,, بس الكارثه لما شفت الصوره طلعت مغبشه مو واضحه انا حقدت وقتها خلااااااااااص .

* جلست افكر ورحت قدام الباص واشرت لسامي على اساس ابي صوره ثانيه وانا بصراحه متحطم وماني متوقع انو راح اخذ صوره لان سامي خلاص ركب الباص ,,, بصراحه لو اي احد بمكاني ماراح يتوقع انو سامي او غيره من اللاعبين انه ينزل من الباص عشاني انا ووجهي
لكن اللي صار ابد ماتوقعته ,,, شوي الا وابو عبدالله على طول ينزل من الباص ويكلم مرجان يقول بعد عنه عشان اطلع فوق سلم الباص واتصور معه وفعلا سلمت عليه مره تانيه وتصورت معه وصورتنا كمان مجلة FOUCS الجديده والمتخصصه وببراعه بالصور ,,, وستشاهدونها ان شاء الله بالمجله وكنت لابس تي شيرت هلالي اصلي ,,, وبعدها التقط الكثير من الصور مع الاطفال وكان سامي كما عرفته انسان متواااااااااااااااضع جدا وخلوق وحبوب ومن جد ياناس والله انا من المجانين بسامي ومن اشهر المجانين بالاسطوره ابو عبدالله على مستوى المدينه والمنوره ولكن بعد اليوم لقد زاد الجنون جنونا ,,, سامي انت تستحق اكثر بكثير مما حصلت عليه .

* الدعيع وعزيز وعمر الغامدي كانو متكين بالملعب وراء الباب اللي جاء فيه هدف المفرج وكانو مبسوطين ويسولفون ,,, وعندما افتقدوهم بالباص تذكرو انهم مازالو بالملعب وذهب رجال الامن لاحضارهم لاعب لاعب لكي يصعب الوصول لهم ,,, المهم عندما اتى الدعيع وهم مطوقينه كانه مجرم كنت اقول لابو دعيع نبي صوره جلس يضحك قال ماتشوف شكلي كيف وحافي بعد .

* البرنس الليبي طارق التايب كان الحصار عليه مشددا ولكن بعد ان ركب الباص وكانت الستاره مفتوحا كنت اشير اليه بلغة الاشاره بانه يجب ان لايغادر الهلال وكان يشير بانه باق للهلال وقام يقبل الشعار الهلالي بجنووون كما فعله بعد النهائي مباشرة حيث كان تقبيل طارق للشعار شي غير طبيعي ابدا ابدا ابدا .

* خرجت من الملعب مع مغادرة الباص الهلال مقر الدره في تمام الساعه 12:20
ورجعت كي اكمل الافراح الهلاليه واجوب شوارع العاصمه لكي اعيش هذه الافراح عن قرب وكثب .

* اتمنى ان اكون قد وفقت بجعلكم تعيشو معي هذه اللحظات الجميله والرائعه وصدقوني فريقنا عظيم ,,, ورئيسنا عظيم ,,, وجمهورنا عظيم ,,, وسامي جدا عظيم .