يا وزير الأمن يا وجه البشاير == جيتنا بالعلم و ابشر بالبشاره !!
بمناسبة ما نقله لنا سمو وزير الداخلية عن نجاح عملية ولي العهد الأمين الأمير سلطان بن عبد العزيز حفظه الله وأعاده لأرض الوطن سالماً معافا .
29/2/1430هـ
ياوزير الأمن يا وجه البشاير ××× جيتنا بالعلم .. وابشر بالبشاره !
" الولا " والحب.. عَلاّم السراير ××× يشهد انه ما تغيَّر عن مساره
نحمد الله .. يوم ريّحت الضماير××× والسلامة بيّنَتْ .. باوَّلْ إشاره
ياولي العهد .. سلطان .. البصاير ××× شوقها لك .. ما توَفّيه العباره
رافقَتْكْ برحلتك .. والفكر حاير ××× كل ما تمشي مشَتْ معْك بجساره
بشرونا بك .. على كل الدواير ××× وارتحل ليل الهواجس في نهاره
يادروب الخير .. سلطان البراير ××× كل برٍّ فيه لك بصمة جداره
يا سحابٍ فيه موج الخير ثاير ××× يا سيوفٍ بالفقر قًتْلٍ وغاره !
يابو خالد غيبتك عنّا .. خساير ××× في قلوب الشعب من بُعْدكْ مراره
فاقدينك ، فاقدينك .. لو نساير ××× جيّتك تجلي عن الجو القتاره
يا ولي العهد باني لك عماير ××× بارض وجدان المواطن لك مناره
ينتظرك .. يعانق قدومك عباير ××× دمعة الفرحة تطفي كل ناره
وبالتوفيق للزعيم غداً لنيل كأس سمو ولي العهد الأمين إن شاء الله تعالى . |