معك 100% بكل كلمة قلتها، المصيبة أن الأهلي واللي كان يفتقد لمالك معاذ وتجرأ علينا وحنا اللي قدرنا نحسم المباراة في الدقيقة الخامسة بس لأننا تراجعنا، والطامة أن النجعي ما كان بأفضل حالاته إطلاقاً، والشيء نفسه ينقال عن الشباب.

الشباب فريق إن ضغطت عليه مستحيل تشوفه بقية المباراة، حتى لما يواجه الأندية الأضعف، وكلنا نذكر شلون تدمر لما قابل الاتحاد على أرضه ومن أهداف تقدر تقول غير مضمونة 100%!

اللي يقهر أن عندنا لعيبة ارتدادهم سريع مثل ياسر وويلهامسن، فمادري ليه ما نلعب على هالشيء بدل لا نقعد نبطئ الهجمة مثل ما نشوف لما يستلم الكرة التايب أو الفريدي، أنا مع الاستعراض والتفنن، لكن مو لغرض الاستعراض، ومادري ليه ما يسوون زي ما يسوي الزوري اللي ما شاء الله عليه إن استلم الكرة انطلق وإن عدى وناور فتحسه يبي يوصل للهدف (وما يسويها إلا وهو مضطر)، مو يدخل كبري وينتظر عشان يدخل كبري ثاني!

وهالكلام مو انتقاصاً في حق التايب والفريدي، لكن ذي مباراة نهائي والكاس، والجمهور بيصفق لك إن كسبت أكثر من تصفيقه لك إن عطيتهم كعب.