انا تكلمت عن النقطه هذي .. لان بوسكيتس متعود على تكتيك بيب هذا اللي هو ارسال الكور الطوليه على حدود المنطقه .. وتعود عليها من البرسا b انا قلت غياب بويول وماركيز عن لقاء بيتس احد اسباب الخساره ماركيز توه راجع من اصابه .. ومشارك مع منتخب المكسيك .. وسفر ماحب بيب يضغط عليه .. وريحه بويول كان جاهز .. بس بيب ماحب يستعجل في اشراكه .. وهذا كلام بويول نفسه انه كان جاهز والموضوع في يد المدرب. التغير كان في الدقيقه 20 او قبل .. يعني قبل الطرد وقبل الاهداف والفريق كان ماشي صح .. وكان يصنع فرص .. والمباراه ماتتحمل المجازفه باشراك لاعب هجومي على حساب الشق الدفاعي .. واحنا تونا في البدايه. المدرب احتج على كرت بالخطاء .. اذا مااحتج على مثل هذي النقطه متى يتكلم ؟؟ خصوصاً انه كان قريب من الحكم الرابع اللي طلب انذار لاعب غير بوسكتيس. المباراه كانت مشدوده والفريق ناقص لاعب من نص الشوط الاول طبيعي بيبذل مجهود اكبر من اللي مطلوب منه .. صح ولا لا ؟؟ اما الارهاق من بعد اجازة الشتاء .. الفريق لعب ثمان مباريات في شهر واحد طبيعي يكون فيه ارهاق وانخفاض في المستوى وفي المباريات هذي ميسي ماكان يلعب اساسي الا في مباريات الدوري اما مباريات الكاس كان بديله هليب. اما دوري الابطال .. ميسي مالعلب آخر جولتين .. وفيه جوله ميسي لعب آخر عشر دقايق. واتوقع ان لاعب مثل ميسي عنده المخزون اللياقي الكافي انه يلعب مباراتين في الاسبوع .. خصوصاً ان بيب يخضعه لبرنامج لياقي وغذائي اكثر من غيره وهذا تصريح بيب بنفسه اصابت اللاعبين حدثت في آخر شهرين .. اللي لعب فيها الفريق اكثر من 12 مباراه ومشاركات دوليه .. وش رايك انت ؟؟ مين الاطول ايتو ولا بوسكيتس .. هذا من ناحية القوه البدنيه بس ايتو لاعب كان واقف .. وحتى توجيهات المدرب ماكان يطبقها وفيه تصريح اليوم لـايتو .. يقول انا مو زعلان من تغير بيب .. لانه كان بيسوي تغير جذري على الخطه .. هذا كلام اللاعب نفسه اتمنى انه يقنعك. تغير هنري كان قبل لايبداء الشوط الاول .. والبديل كان بوسكيتس عشان يسد مكان كيتا .. والنتيجه كانت 0_0 يعني تبديل اضطراري عشان يسد الثغره .. افضل الموجودين .. ولاعب يخدم خطط بيب برضوه اذا باقي اي نقطه مسببه لك اشكاليات او مافهمتها عادي ترا صدري وسيع .. |