|
تعالو علموني وش بتسوون في الاجازه ..!!
صباح / مساء الخير عالحلوين والحلوات وكمان للجحطين والجحلطات >> جمع مجحلط سالم  كيف الحال بعد الاختبارات ان شاء الله ناجحين باين انكم دوافير ماعليكم خوف ابد ماقد شفتكم في المنتدى من زماااااااان ان شاء الله الجميع ناجحين  والي ماشدو حيلهم نقول تساهل يداك اوكتا وفوك نفخ  الله يعينك على انواع التحطيم و الشرشحه >> اسأل مجرب  .. .. .. ودي ندردش شوي عن الاجازه بعد كم يوم تبدأ غالبا كل واحد حاط في باله وش بيسوي في هالاجازه ناس ناويه تسافر وناس بتنزل تفرفر بالاسواق وناس كل يوم مسيرين على جيرانهم واقاربهم و ناس ناويه تفتح المصحف تقرأ قرآن او تقرأ كتب >> هين تراهم سعوديين  لكن الاجازه قصيره جدا .. بحيث لن تكفي لعمل اي شيء مالم يكون هناك تنظيم ووضع خطه مسبقه و مدروسه  حبيت اطرح لكم طريقه يمكن تفيد الجميع اولكم انا في هالاجازه الصغيرونه ,, .. .. .. الناس من حيث تنظيمهم للوقت صنفان، فمنهم من ينظم وقته ومنهم من لا يفعل ذلك، أما من ينظم وقته فمنهم من يكون فعالاً ويستفيد بشكل كبير من تنظيمه للوقت بحيث لا يمكن للكآبة والملل ان تقتحم حياته بأي طريقة , بل تجده غالبا سعيدا في حياته و ناجحا في ادارتها . أما من لا ينظم وقته فإما أن يحس بالملل لأنه لا يعرف ماذا يفعل في فراغه الكبير، أو أنه متخبط في أعمال قليلة الأهمية. ولكي يكون هنالك تنظيم للوقت وخاصة في الوقت المستقطع مثل الاجازه لابد من وضع هدف استراتيجي ومحاولة الوصول اليه مثلا .. زيارة قريب او عيادة مريض او اصلاح سياره او .. اي عمل كان بعد ذلك يكون وضع جدول بالأعمال المطلوبه و ترتيبها حسب الاهميه يعني لا قالت امك شيل الزباله لا تقول مشغول .. تراها اهم شيء لامانع من اضافة بعض المتعه والمرح في الاجازه بشرط عدم ترك مهام الجدول الاساسيه  .. .. .. الجزء القادم للجميع حبيت نتشارك افكار نقضي فيها الاجازه وانا بحط الي عندي  بس لاحد يقلدني .. .. .. بداية الاجازه .. انتفاضه تسوقيه من الدرجة الاولى حفل خطوبة >> باركولي  بقحص للديره و نرتاح من الرياض يومين >> غبار مع برد مدري كيف تجي  زيارات واجتماعات عائليه تجميع زملاء الدراسه و تفقيع وجيههم بلاي ستيشن العودة مره اخرى للرياض نهاية الاجازه .. .. .. .. عطوني جداولكم خلني استفيد منها ... احس جدولي مشي حالك اجازه سعيده وكل عام وانتم بخير  | 