يا صباح النـور ..






(( هلالي من أرض اليمن ))

هلا وغلا فيك اخوي هلالي اليمن ..

إقتباس نتمنى لك التوفيق بالجامعه وما بعد الجامعه والجميع ،،،

آمين وياك يارب ..

إقتباس اعتقد انه يجب ان نحدد نوع الفرد هل هو ذكر ام انثى ،،، لا اعتقد ان " الذكر " يمكن ان يكون ضحية المجتمع فليس هنالك ما يلزم عليه تبني قناعات او رؤى كما ان المساحة المتوفره لديه كبيرة جدا اضافة الى قدرته للحد من تدخلات الآخرين .. الفتاه الوضع مختلف تماما حتى اذا كان الشرع في جانبها فالتأثير الاجتماعي في كثير من الأحيان اقوى منها ومن الدين ،،،

المجتمع لا يعرف نوعية الجنس , ولكن صحيح هم يتغاظون عن الذكر في أمور كثيرة .. قد يكون المجتمع اليمني مختلف قليلاً من هالناحية .

إقتباس لا ادري كيف يمكن لي الأجابة على هذا السؤال وانا اعمل منذ عمري 11 سنة الفائدة عظيمة .. ولا زلت اشكر والدي يحفظه الله على جرأته التربوية في هذا الخصوص ،،،

رائع جداً .. من جد جرأة تربوية ! ولكن حبذا لو تطلعنا على شيء من هالأعمال وقدر الفائدة المُكتسبة .

إقتباس هذا السؤال ليس مناسب لي

جداً ماشاءالله الظاهر أنك ما خليت شغلة الا وعملتها
أحس ان نفسي تقول " يا حرام سنين عمرك يا سوليدره ضاعت ... ما سويتي شيء لنفسك يا ابو يمن " <<

إقتباس شكرا سوليدره كلام اخي العزيز مواصل رائع الا انه في حاجة الى شخصيات استثنائية خاصة في الجانب النسائي ... لا انصحك ان تكوني استثنائية ولكن تقبلي العادات الاجتماعية حتى تتمكني ايتها الفتاه ان تعيشي مستورة

العفو اخي الكريم ..

ولماذا لا أكون كذلك ؟! هل سأُصبح فاجرة إن كسرت قيود المجتمع المتهالكة ونفذت ما أريد إذا لم يتعارض مع ديني !
من القصص التي أحب ذكرها في سياق النساء الاستثنائيات , أعرف امرأة من الوطن العربي وسلالتها عريقة جداً ماشاءالله - تجيب لك الجد السابع عشر- وفي بلدها عندهم مجتمع مثل مجتمعنا هذا , والمرأة هذي جميلة جداً وذكية وخلوقة وملتزمة "يعني تتحجب " وكانت تعمل في شركة عالمية ضخمة بدون هالشركة البلد ولا شيء! المهم كان عندها زميل في العمل بريطاني وأُعجب فيها مرة .. وحب يتزوجها المرأة ما رفضت ولا عارضت لكن قالت له اسأل والدي هذه عاداتنا , سأل والدها فقاله والدها "هل أنت مسلم؟" قال البريطاني "لا" فطلب منه والدها الإسلام حتى يزوجه من البنت وفعلاً أسلم الرجل , فـ الأب كان "ختيار"ومعروف في البلد ورح تصير سالفة لو الناس دروا .. لكن ماشاءالله راح الأب لإمام المسجد وسأله "فيها شيء لو تزوج الرجل المسلم من اي عرق أو بلد من البنت المسلمة ؟" قال الإمام "لا طبعاً (إنا جعلناكم شعوباً وقبائل لتعارفوا ) " ورغم إعتراضات كل اللي حولهم على هالزواج لكن الأب مسك يد بنته وقالها خلاص روحي مع زوجك
وهذا هي اللحين رجعوا لبريطانيا وعايشة معه والناس طبعاً بدأت تتأقلم مع الوضع.
هل الآن مستورة في بيت زوجها والموضوع صار قديم صار له اكثر من عشر سنوات .


شكراً لك ..









(( دقيق فاخر ))

إقتباس موضوع راااائع .. بصراحــة مشاكلنا اذا قالوا هذا ولد قبايل مايصلح يشتغل ... والمشكلة المجتمع يقف ضــدك ... لازم راتب وزير ... ودوام وزراء ... ولا تسدح بالبيت ... والمشكلة انه مامعه ولا شهادة ابتدائي ... والله العظيم ان عندنا سعوديين سباكين ونجارين وكهربائيين ويشتغلون ... وتركوا عنهم كلام الناس ...

هذا اللي ابي اوصل له .

إقتباس هذا من اول العقباات وانا بزر ... الله يعين على القااادم ..

اذا على الله يعين ..فـ الله يعين من جد


شكراً لك ..









(( Abo Saud Alhilaly))

إقتباس أعجبتني فكرة موضوعك وبساطة الأسلوب في عرضها فلا تحرمينا من هكذا مواضيع ..

شهادة اعتز فيها صراحة .. <<<يا كثر الشهادات

إقتباس انا برأيي المتواضع فكرة الأعمال البسيطة مثل هذه قبل الإنتهاء من الحياة الدراسية تجربة مفيدة جداً ومثرية لشخصيتك بغض النظر عن المقابل المادي ومادام الشغلة ما فيها عيب فليه تكون عيب على فلان لأنه ابن فلان الفلاني ! طبعاً الأمور نسبية من شخص لآخر

كلامك صحيح .. لكن ابي اعرف وش المقصود بـ "نسبية من شخص لآخر " ؟

إقتباس <<== الوظيفة : مدير مكتب ماجد مقبل

والله منت بهين يعني لا بغينا واسطات جينا عن طريقك

شكراً لك ..









(( هلالية بنت هلالي ,, ))


هلا اختي .. الله يبارك بعمرك ما صدقنا تجي العطلة لا كلها كم يوم وتخلص

إقتباس امــآ ع طــآري توظيف د:كيف والله انــي من يوم شفت ذا اللوحـة اللي طول قريح ومكتوب عليهــآ بدأ التوظيف وانـآ غاسلتن يدي منهــم اجــل بدأ التوظيف ..؟! ويــن احنــآ فيــه .. يعني يبون اي وحــدهـ عاادي لو كــاان شغلهــآ اي كلااام ..’!

حبيبتي .. هذا مب مطعم عشان يأخذون فيه ناس متخصصين ومعاهم شهادات بالطبخ, ترى كل شيء بالأجهزة والماكينا ..

إقتباس قالوا اسفيــن لخبطنــا واذا مب عاجبك نعطيك موكا مجانــاآ !!

لو اني منك اقول .. كل يوم لخبطوا وعطوني موكا
لا عزيزتي الخطأ وارد لو من أكبر طباخ , لكن انتي تعرفين الزحمة و الطلبات كثيرة فـ طبيعي بتصير اخطاء مثل كذا .





يالله عقبال التخرج والشهادة الزينة والوظيفة الأزين ..

شكراً عزيزتي ..,









(( هلاليه من الرياض ))

هلا بك اختي ..

المحل الثاني في المبنى الجديد "ادارة الأعمال والمحاسبة"

إقتباس نرجع للموضوع مجتمعنا السعودي يحتقر الوظايف البسيطه زي الكاشير والسواق ووو وهذا اللي خلاا الأجانب يغزون بلادنا غزو ويعيثون فيها فسادا لأننا تركنا لهم أغلب الأماكن خاليه بس أنا أقول دايما إننا حنا الجيل الشاب لازم نتمرد على هالتقاليد خاصة إن ديننا ضدها ونشتغل في كل شي ونكسب رزقنا بإيدينا

يعطيك العافية على كلامك .. يبي لك حبة راس


شكراً لك ..








(( رائدة الزعيم ))

هلا بالحلا والذوق ..

إقتباس بس في أهلي ميزة إذا نشبت لهم وافقوا لكن أنت تتحمل نتائج قراراتك ويدعمونك لو حسوا أن هذا اللي أنت تبي فعلاً

جميل جداً .. ماشاءالله اجل عندكم "ديموقراطية" تصدقين اسمع فيها لكن ماقد شفتها بالواقع ابداً

إقتباس عن نفسي أنا عاجبني الوضع كذا ولا فكرت أشتغل بس مخلية كرت الشغل إذا طلبت شي وتأخروا فية هددت بالسالفة

إقتباس بس لفت نظري شغلة لو أخوي دخل غرفتي وقرا أوراقي ذبحتة لأن هذي خصوصيات

لا ما عليك عندي ناس داءهم مستشري .. اللقافة عرق في جسمهم تصدقين اخوي ذا لو جلس بمكان ينفضه فوق تحت من اللقافة .. واي شيء ضاع منك روحي قولي له طلعه لي ولا ما يقصر

ياليت عندي مثل اللي عندك .. تف تف ماشاءالله

إقتباس تصدقين عاد أن ما عاد عندي طموح ونسيت طموحاتي

لييييييه بس حلوة نسيت طموحاتي .. خلاص يعني اهم شي الشهادة الجامعية

إقتباس الأسم: عريب عبدالله

ماشاءالله والنعم .. << كأنها عاد عرفت الباقي

إقتباس العنوان : غرفتي وبين كتبي <<وبيتي الثاني اتواجد فية كثير حول بيت سوليدرة

يا حبي لك بس .. وش رأيك اليوم نتغدى سوى تعرفين حنا جيران وكل ابوها خطوتين .. الا صدق ما بعد فتحتي باب على حوشنا عشان نصير مع بعض دايم

إقتباس تاريخ الميلاد : 26\6\1406 هـ <<أفضل الحساب بالهجري عشان أصير كبيرة

العمر كله يارب .. اجل انتي عكسي دايماً احب ابين للعالم اني صغيرة << من اللحين تصغر حالها

إقتباس الجنس : يقولون أنثى وأنا أقول بنت

صدق فرررررررق !! سبحان الله .

إقتباس الحالة الإجتماعية : عانس مؤقتاً يازين العنوسة

زيناااااااااه

إقتباس الجنسية : أسبانية<<ترى فية جذور عربية هناك عندي أمل أكون منهم

هههههههههههه اي تكلمي اسباني اول ما يصير ترى هذي اصولك

إقتباس رقم الجوال :ما حفظت الا رقم أبوي قبل ما نضيف صفر يعني حافظة تسعة ارقام منه أما رقمي ماقدر يتخزن بمخي

يعني لو كنتي حافظته بتحطينه



يا حووووووبي لك بعد عمري ..

شكراً لك ..






عائدة بحول الله ,,