هلا وغلا بالشباب ..


مابغينا نخلص من الاختبارات لا عادت الله عليها من اختبارات وهالجامعه راصين كلش وجبنا العيد ناخذ الموضوع من الناحيه الايجابيه والي هي اننا عطلنا ..

ياشباب انا عندي مشكله عويصه ومعضله وش كبرها , هالكول اوف ديوتي فور طلع في راسي نخل , داايم يعلق شريت بالاونلاين .. مدري وش طاعونه , اشغل الجهاز واسوي ساين ان وبعدين لادخلت اللعبه ورحت بلاي اونلاين .. يضبط ويعطيني الرانك .. البلا كل البلا لا حطيت " Find Game " يعلق يكتبلي " Download Game Setting " ويبتل على هالحال مدري ليه وعلى فكره مرراات يضبط مدري ليه !! ..

بتقولون من الشريط جربت اغير الشريط ونفس المشكله بتقولون من البلاي ستيشن بقولكم جربته على جهاز ثاني بالبيت ونفس المشكله فقلت يمكن من الاتصال !! مع ان مدري وش دخله !!

المهم اني رحت للمحل اول ماصارت المشكله وقعددت اهايط عليهم واقول شريطكم ذا موب يشتغل المهم ويشغله قدامي ويضبط وانا اللي يطيح وجهي مدري عاد ضبطت معه صدفه والا البلا من عندي ..

أفيدوني ياعيال تكفووون ..

مشكورين وماقصرتوا .. عاد لا تسفهون يعني لو سمحتوا <<== واضح ان الملل لاعبن فيه ..