نتيجة للوضع المزري للرياضة ولجانها وحكامها ، استمعوا لرأي الجماهير ، وعن أسباب عزوف الكثير منهم عن الحضور للملاعب في قالب شعري كوميدي وتراجيدي في آن واحد :
المستوى جا كحيان
وكورتنا كورة عميان
ياما خضنا في ذا الشان
لكن مسؤولين طرشان
يدرون عن كل الأوضاع
وعن مستوانا اللي ضاع
...

حكام شبه عميان
جابو للجمهور جنان
لاعب ينقل فى الونان
واللي ضربه مايجازى
وتطنيش بلنتي صريح
يضيع في مهب الريح
وإلا هدف من تسلل
يحسبه الحكم ويحلل
وأحيانآ هدف صريح
يلغيه وباله مستريح
وأحيانآ يحسب بلنتي
لما لاعبهم يطيح
يطيح وماأحد حوله
يبي يكسب هذي الجوله
وفريقه يطلع وهو فايز
واذا ناقشته يضيق
يفتكر إنك رفيق
يقول لسماعك مش عايز
حتى خلت المدرجات
بعد النكد والحسرات
كنا نجي بلآلاف
والآن مانكمل عشرات
...

أما وضع الإحتراف
فاللاعب منه يخاف
من شي يعمل فى الخفا
شي مؤسف مايشاف
أما يتعامل رئيس
والا من عضو نحيس
والا نادي ، مخيس
يحارب اللاعب بلا سبب
وإلا بتعامل غريب
من اللعب نفسه تطيب
وإلا بقلة أدب
...

ريس يامر على كيفه
يهدد ومشهر سيفه
يحسب النادي من أملاكه
واللي ينصحه ، يعاديه
ولو ها بيضا أياديه
عليه وعلى ناديه
...
صدقوني هذا يصير
والوضع اصبح خطير
الوضع ماهوب صحي
ياكوره وني وكحي
ياكوره انتي وأنا
حرمونا المتعه والهنا
الكوره صارت دمار
من بعد ماهي عمار
دخلها السحر والقمار
والوضع وضع خطير
العقل منه بيطير
اللاعب إذا انزوى
كيف يقدم مستوى
طفران ويشرب هوا
إن طالب براتب شهر
عادوه لين القهر
إن طالب مره بحقوقه
ياشي شين بيذوقه
الراتب يقعد شهور
ومع ذلك حسم وجور
...
وقولو لجنة احتراف
حاطين شوية ظراف
لجنه تسيرها العواطف
مشهوره بالراي الخاطف
من بعض الناس هي تخاف
تمشي على غير دليل
وتقرر بجهل وارتجال
...
ليش انتو مكتوفي الأيدي
تدخلوا ... مايصير
الوضع مايحتمل
الوضع أصبح خطير
عطونا شوية أمل
حطوا نظام دقيق
ويطبق على الجميع