حسن معاذ سألته كم سؤال تدرون وش قال. . . . وش ننتظر ؟!
بسم الله الرحمن الرحيم
السلام عليكم ورحمة الله وبركاته
أمس الإثنين وبالتحديد بعد صلاة العشاء في شارع التخصصي بالرياض وفي احد المحلات التجارية
كنت واقف بحاسب على غرض والتفت الا جنبي حسن معاذ :
هلا حسن : هلا والله حياك
كيف الحال: والله بخير يامال الخير
هاه بشر سمعنا ان فيه ضهيرايمن بارز بينظم للزعيم
حسن :ههههههههههههههههههه الله يكتب اللي فيه الخير
قلت : ان شالله بس لازم تعلمني
قال : والله ماتدري يمكن انا أو يمكن عبدالله شهيل
قلت : طيب انت ودك بالهلال
قال : اي لاعب يتمنى الهلال
قلت : طيب علمني ترى باقي كم يوم وتنتهي فترة التسجيل
قال : انتظر وان شالله تسمع اخبار حلوة
قلت : وش رايك بقضية عيسى
قال : غلطة عيسى انه قال ابي الهلال قدام العالم كلها وهي الحين واصله لدرجة العناد بين اعضاء شرف الفريقين .
قلت : ياخي لاعب مايبيهم وش يبون فيه كيف يبونه يعطي في الملعب .
قال : كلام سليم والله يوفقكم ان شالله .
قلت : المشكلة عندكم رئيس راسه يابس متمسك في لاعبينه .
قال : الحكم الأول والأخير لخالد بن سلطان لو حصل شي جديد .
قلت : ان شالله بتلعب الإربعاء مع الإتحاد ؟
قال : هههههههههههههههههههههه ان شالله .
قلت : يالله عاد بيضوا الوجه ترى قلوبنا معكم هههههههههههههههههههههه .
قال : ان شالله نقدر نفرحكم .
قلت : الله يعطيك العافيه والله يوفقك وان شالله نشوفك هلالي قريب .
قال : تسلم وماتقصر والله يكتب اللي فيه الخير .
وانا بصراحة اتمنى حسن هلالي لأن فيه اكثر من ميزة اللي بتخليه يبدع مع الزعيم ومن اهمها تسديداته القوية .
آسف ع الإطالة
