المحور الأول :


هل وفق المدرب بأختيار التشيكلة المناسبة للمباراه؟وهل تم توظيف اللاعبين بالشكل المناسب؟وهل ترى أن المدرب أوجد البديل المناسب للغيابات الكبيرة مثل طارق التايب وخالد عزيز وعمر الغامدي؟

أظن ان كوزمين رمى بثقله من بداية المباراة ولعب بالتشكيله المناسبه جدا بكل الخطوط فمثلا الحراسه الدعيع يشكل وجوده ضغط على اي مهاجم ناهيك عن الخبره العريضه له في كذا مباريات والدفاع الزوري احسن ظهير ايسر بالمملكه لاعب متمكن بالدفاع والهجوم يساند الهجمه بشكل ممتاز وخيرات اتوقع انه افضل بديل للنجم المصاب المرشدي واللي اثبت جدارته من خلال لقائلة كأس الامير فيصل بن فهد هوساوي ماعليه لام قائد الدفاع السعودي ماشاء الله مميز جدا بالالعاب الهوائيه والارضيه قائد ممتاز للخط الخلفي نامي يعتبر افضل الموجودين واكسب خبره مكنته انه يسد هالنقص اللي حاصل بهالخانه منذ سنين




المحور الثاني :

ماهو رأيك في التنظيم الدفاعي للفريق,وايضا ماهو رأيك بسرعة بناء الهجمه والارتداد للهجوم
بتعاون (خط الدفاع - خط الوسط - خط الهجوم) ؟ وما رأيك في تغير مستوى الفريق في الشوط الثاني؟







صراحه النتظيم الدفاعي للهلال من بداية استلام كوزمين للفريق بدأ يصبح بعبع لكلل مهاجمين الفرق الثانيه لدرجه انك تتابع المباريات وآخر همك الدفاع لأن ماشاء الله تبارك الله دفاع الهلا يعتبرون العمود الفقري للمنتخب الوطني الاول
نقطة الضعف الوحيده كانت في نامي اليوم كان مرتبك بشكل كبير جدا ً حتى انه كان ثغره واضحه بالدفاع الازرق
وبالنسبه لبناء الهجمه اليوم كان ضعيف جدا ً لأنه ما كان يعتمد الا على الكرات الطويله بالتحديد عن طريق الفلته ويلي واللي كان شعله من الحماس اليوم بس لو كان هنالك تجاوب من سيول او نامي كانت الجهه اليمين بتكون نااار بس الحمد لله كانت مصدر ازعاج قوي للفريق الاصفر بالشوط الاول كان الهلال نازل وفي رهبه من النصر بعد الفقاعه اللي سواها اعلام الفريق الاصفر من التعاقدت من و من الخ وكان النصر معزز بنشوة هذي التصريحات بس الحمد لله بالشوط الثاني بينت الخبره كيف تفرق مع الفرق الكبيره الخبره كانت اليوم مع الزعيم وعرفوا لاعبين الزعيم بقيادة الكاسر متى يلتهمو الفريق الاصفر والروح اللي كانت من رادوي والسويدي ويلي كانت عنوان الانتصار

المحور الثالث:
ماهو رأيك في مستوى رادوي كأول مباراة يلعبها؟ وفي مستوى اللاعب الكوري سول؟




بالنسبه لرادوي او زوري والله انشوف انه اليوم مبدع جدا ً كأن المباراه هذي رقم 10 او 11 له بالدوري ظهر بتجانس غريب مع كل الخطوط وما الهدف اللي سجله الا دليل على عقليته المحترفه لاعب وقت الهجمه مهاجم ووقت الهجمه اعكسيه مدافع اعتقد انه راح يكون اضافه كبيره مو للهلال بس وانما للدوري السعودي , بالنسبه لسيول اعتقد انه الى حد الان ماقدم المطلوب منه بس من وجهى نظري المتواضعه انه ماينلام على المستوى الي ظهر فيه لأن الكل عارف انه مو مهاجم بحت ولا متعدو على القيام بأدورا هجموميه بحته بس بالنسبه للي قدمه للحين اظن انه مناسب لدرجه كبيره خصوصا انه على حسب كلام التقارير ما لعب من زمان وكان احتياط بس نقول لهم بالتوفيق



المحور الرابع :


ماهو تقييمك لأداء لاعبين الهلال ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول؟





ويلي اليوم بوجهة نظري كان نجم المباراه بلا منازع صراحه اليوم ويلي أسكت كل منتقديه ورد عليهم بكل وضووح لاعب عندما تريده مدافع تجده عندما تريده مهاجم تجده صراحه الاعب مغطي مركزه وبقوه ومبب قلق لكل الفرق اللي لعبنا معاهم للحين,,, من وجهة نظري اسوأ لاعب لقب يشترك فيه اثنين نامي والغنام نامي اليوم كان متردد جدا بالهجوم والدفاع وكان سبب لخبطة اكثر من هجمه وسوا ربكه مالها داعي اما الغنام صراحه كان مبدع في قطع الكرات بس مناولاته بنسبة 100% غلط وكان راح يجيب العيد بأكثر من كوره لولا لطف الله ويقظة اسامه وحسن

المحور الخامس:

ماهي رؤيتك الخاصه عن ماحدث بالمباراه (( مساحه حره للعضو ))

انشاءالله تكون هذي المباراه مهر الدوري لأنها قدمت لنا وجيه جديده واثبتت لنا ان لأبو فيصل نظره ثاقبه من من ناحية هوساوي اللي كل يوم يثبت انه نجم كبير مرورا بنامي والغنام وزورو الزعيم وويلي صراحه ما كان ودي اقابل احد بعد المباراه الا ابو فيصل علشان اشكره على اختياراته وثقته

واخيرا الحمد لله على الفوز والحمد لله اني هلالي