|
اول موضوع .. وعلى الخيـر نلتقي ..!!
السـلام عليكم ورحمـــة الله وبركاته حياكم الله اخواني الزعماء ... هذا اول موضوع لي وثاني مشاركه وحبيت ابدا في موضوع لاحظته
من خلال بعض كتابات الاعضاء وهي توجيه الاتهامات لـ اشخاص يعتبرون انهم ضد الهلال بدون بيّنه
او دليل يثبت هذا الاتهام كلنا سمعنا قبل فتره كلام الامير عبدالرحمن بن مساعد انه فيه احد خرب
علينا في تعاقدتنا مع الاجانب وانه رسم صوره سيئه عن السعوديه وان نسائهم ينضربون ومن الكلام
هذا لاحظت انه بعض الاعضاء عالطول وجهوا اصابع الاتهام لـ منصور البلوي وقاموا يدعون واشياء من هالقبيل
اوكي منصور كان له موقف معنا لكن هذا مو معناته انه هو اللي خرب وحتى عبدالرحمن بن مساعد قال
انه مايدري مين اللي خرب الصفقه وفيه بعضهم ربطوا الموضوع بـ نيفيز وقالوا اذا جاء نيفيز للاتحاد معناته
انه هو البلوي اللي خرب كلنا عرفنا انه نيفيز ماجاء للهلال بسبب المزايدات من الاعب عشان كذا استغنوا
عنه الهلال والهلال فاوض اكثر من لاعب يعني ممكن يكون التخريب في لاعب ثاني ...
المقصود اننا نكون ياخواني متزنين في كتابتنا ومانرمي باصابع الاتهام للبلوي او غيره عشانه ضد الهلال لابد يكون
عندنا دليل وحجه نحاج فيها ونعرف اننا مسؤلين عن كل كلمه قدام رب العالمين قبل كل شي ..
واتمنى من بعض الجماهير اننا نرتقي في الفاظنا وكتابتناً يعني اشوف بعض الاحيان استهزاء بالنوادي الثانيه سواء في مسمى النادي
او من ينتمون له بعبارات ماتمثل اي مسلم قبل لايكون هلالي يعني مثل نادي الفقر او الاتهاد او الاستهزاء بجنسياتهم او غيره...
واتمنى لي ولكم الهدايه ...
وآسف على الاطاله ...
وان شاءالله نحتفل اليوم بفوز الهــلال اخوكم : تـركــي..  | 