نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

hilalemooot · #3 22/01/2009, 11:02 PM

.
.

السلام عليكم

مهابيل قسم

.. موضوع بطل بفكرته وبطريقة الطرح اهنيكم عليه

بالنسبة للموضوع .. انا اشوف التدخلات مضرة اكثر من كونها تفيد .. غالباً وعادةً الرؤوساء يكونون جدد على هالمجال .. اتكلم على انجلترا تحديداً .. على سبيل المثال جلايزر خبرتهم كلها في السوبر بول الأمريكيّة رياضياً .. بينما ابراموفيتش مالك تشلسي راعي مافيا خخخخخ

لا الجد المقصد انهم مالهم في الكورة .. شيناواترا نفس الموضوع بعد .

ايطاليا غالبيتهم مشجعين بالاصل .. موراتي بيرلسكوني زامباريني وغيرهم .. لذلك تلقاهم يتدخلون كثير طبعا المدرب له دور كبير .. فيه مدربين يرفضون التدخل .. وفيه مدربين زلايب ما تفرق معهم .

الرؤوساء المفروض ما يتدخلون هذا الطبيعي .. انت تجيب مدرب عطه فرصه وحرية بالتعاقدات وخلافها وحاسبه على النتايج .. آل جلايزر من افضل الملاك رغم الهجوم الكبير اللي تعرضوا له عقب اخبار بيع النادي .. مع ذلك شفناهم ما يتدخلون بأي موضوع فني وتاركين كل شي للسير .. والنتايج في السنوات الأخيرة تحكي

.. طبعا ما أنكر وجود فيرغسون له دور .. مدرب ما يقبل التدخل .

رومان ابراموفيتش اعتقد انه اعطى مورينيو حرية كبيرة ما عدا في موضوع شيفا اللي اعتبره بداية شرارة المشاكل بينهم .. رومان يقدّر شيفا وجابه .. مورينيو مايشوف انه يستاهل يلعب .. وبالنهاية مورينيو رحل او تمترحيله ما اعتقد انها تفرق كثير .. وتشلسي خسروه مهما كان

بإختصار الرؤوساء لازم يعطون مجال اكبر للمدربين ويحاسبونهم على النتايج في نهاية كل موسم زيما يصير غالباً في إنجلترا .. وهنا بودي اسال سؤال سبق وسالته لعشاق الكالشيو بالذات وما جاوبوني بشكل كافي ومن خلال هالموضوع اعيد طرحه .. هل تؤيدون وجود ملاك أجانب ما يشجعون النادي ؟ يعني مثلاً نشوف ابراموفيتش في الانتر بدال موراتي .. جلايزر بدل بيرلسكوني .. مثلاً يعني .. شخصياً اتمنى تصير في الاندية المتوسطة .. لاتسيو الفيولا مثلاً ؟!

عموما موضوع بطل وخلاني استرسل كثير وابربر واجد

بس من جد موضوع حساس ومهم الله يعطيكم العافية عليه

.
.