نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

Hictar · #8 21/01/2009, 05:06 PM

الشاهي يا ريفلينو مخمخه ، مو أيه واحد يضبطه
وأنا مدمن قهوة وشاهي !!.
على إدماني للشاهي إلا إني ما أشربه من أيه واحد ، بعضهم يسوونه بطريقة الله يديم النعمه
أسميه ( غسال )

تعريف الغسال للأعضاء خارج حدود نجد : هي مويه التنظيف

يجيك الشاهي ما فيه لون ( صفار ) !!!.

وأكثر ما يجي اللون هذا مع شاهي ( ليبتون ) !!!.
إذا ما جاك ( تلقيمه ) وطالع قلب البريق من النار ( وصار لون الشاهي أسود ) ما أعتبره شاهي

وللمعلومية أنا ما أشرب إلا شاهي ( مرّ - بدون سكر )
الحمد لله ما فيني مرض السكر بس تعودت من كم سنه إني أشرب الشاهي ( مرّ ).
على طاري المرّ ، تذكرت لك سالفه

:
كنت مسافر أنا وواحد من أخوياي لإحدى ديار ( الفسق والمجون )

وأنا وإياه مالنا ( لا في الطين ولا في العجين ) ، رايحين نتمشى ونغير جو.
العالم خايسه بالصيف وحنا طالعين نكشت بالدولة هذي ( ما بقى إلا ندور فقع فيها )

وكان معنا سواق ساكن معنا بنفس الفله.
سواقنا بعد يومين حس بشئ غريب !!.

سألنا عن أعمارنا : وجوابناه

قال أول مره أشوف شباب مثلكم نظامهم نظام شياب

سألناه ليه يا ( كابتن ).
قال : تنامون الساعه ( 10 ) الليل وتصحون من صباح الله خير وتشربون قهوة و شاهي مرّ!!.
ولا معكم مسجل تطربون أنفسكم ، ولا جبتوا ........... ( مشفر )

قلنا له مو شغلك ، إنت عليك تسوق وتاخذ دراهمك وتذلف

شياب مو شياب مو شغلك

خلني أطلع من الموضوع لأني أحس إني فليتها واجد ولو بكمل ما راح تخلص سواليفي